پنجاب اسمبلی میں 14 مسودہ قوانین کثرتِ رائے سے منظور کر لیے گئے، جبکہ ایوان میں سانحہ خضدار پر مذمتی قرارداد بھی پیش کی گئی، جو متفقہ طور پر منظور کر لی گئی۔
باغی ٹی وی کے مطابق صوبائی وزیر برائے پارلیمانی امور میاں مجتبیٰ شجاع الرحمن نے سانحہ خضدار کے حوالے سے مذمتی قرارداد پیش کی، جسے ایوان نے مکمل اتفاق رائے سے منظور کیا۔پنجاب اسمبلی کے اجلاس میں متعدد قانونی مسودے منظور کیے گئے، جن میں صوبائی موٹر گاڑیاں ترمیمی بل 2025 (بل نمبر 25، 43، اور 45)، ڈرگز (ترمیمی) بل 2025، اور پنجاب ورکرز ویلفیئر فنڈ (ترمیمی) بل 2025 شامل ہیں۔
اس کے علاوہ کمپنیوں کے منافع میں کارکنوں کی شمولیت (ترمیمی) بل 2025، سٹیمپ (ترمیمی) بل 2025، صوبائی ملازمین کا سماجی تحفظ (ترمیمی) بل 2025، اور پنجاب آرمز (ترمیمی) بل 2025 بھی کثرت رائے سے منظور کیے گئے۔ایوان نے مزید جن بلز کی منظوری دی، ان میں پنجاب جوڈیشل اکیڈمی (ترمیمی) بل 2025، پنجاب فرٹیلائزر کنٹرول بل 2025، پولیس آرڈر (ترمیمی) بل 2025، پنجاب فنانشل ایڈوائزری سروسز بل 2025، اور پنجاب اینٹی ٹیرارزم (ترمیمی) بل 2025 شامل ہیں۔
نیتن یاہو کو بڑا جھٹکا: اسرائیلی عدالت نے شاباک سربراہ کی معزولی کالعدم قرار دے دی
خضدار: اسکول بس پر خودکش حملہ، وزیراعظم اور آرمی چیف کا دورہ
چین کا دورہ کامیاب ، پاک چین تعلقات مزید مضبوط ہو رہے ہیں: اسحاق ڈار
کالعدم بی ایل اے کا گرفتار کارندہ ریمانڈٍ پر پولیس کے حوالے
کوئٹہ نے اسلام آباد کو دھول چٹا کر پی ایس ایل 10 کے فائنل میں جگہ بنا لی
