سانگھڑ:5 سال سے لاپتہ 50 سالہ شخص کی لاش برآمد
سندھ کے ضلع سانگھڑ کے علاقے شاہ پور چاکر سے ایک 50 سالہ شخص کی لاش ملی ہے۔پولیس کے مطابق لاش کی شناخت بصارت صدیقی کے نام سے ہوئی ہے جو کراچی کے علاقے پی آئی بی کالونی کا رہائشی تھا۔
دوسری جانب ایم کیو ایم کے رکن قومی اسمبلی شیخ صلاح الدین کا کہنا ہے کہ بصارت صدیقی 5 سال سے لاپتہ تھے۔انہوں نے کہا کہ سندھ ہائی کورٹ میں جبری گمشدگی کا کیس زیر سماعت ہے، جس کی سماعت 14 ستمبر کو مقرر ہے۔شیخ صلاح الدین کا یہ بھی کہنا تھا کہ لاش وصول کرنے کے لیے شاہ پور تھانے پہنچا ہوں۔
دوسری طرف
سانگھڑمیں طوفانی بارشوں کے باعث سیلاب متاثریں کی مشکلات میں ایک بار پھر اضافہ ہوگیا ہے۔تفصیلات کے مطابق سانگھڑ اور مضافات میں تیز آندھی کے بعد گرج چمک کے ساتھ تیز بارش نے کھلے آسمان تلے متاثرین کی مشکلات میں مزید اضافہ کردیا ہے۔
بارش اور تیز آندھی کے باعث حیدرآباد روڈ پر قائم ٹینٹ سٹی تباہ ہوگیا ہے جب کہ تین متاثرین بھی زخمی ہوگئے ہیں، متاثرین کی چارپائیاں ٹوٹ گیئں اور برتن بھی ہوا سے اڑ گئے ہیں۔
تیز بارش اور ٹینٹ گرنے کے بعد متاثرین نے فیکٹری کے مخدوش کوارٹروں میں پناہ لی ہے۔ جس عمارت میں متاثرین نے پناہ لی ہے وہ انتہائی مخدوش اور زندگیوں کیلئے خطرناک ہے۔ٹینٹ سٹی کے تباہ ہونے کی خبر ملنے پر ڈپٹی کمشنر ڈاکٹر عمران الحسن خواجہ نے نوٹس لیتے ہوئے متاثرین کو فوری محفوظ مقام پر منتقل کرنے کی ہدایت کردی ہے۔
اسسٹنٹ کمشنر طلحہ خان نے ٹینٹ سٹی پہنچ کر دو زخمیوں کو اپنی گاڑی میں اسپتال پہنچایا جب کہ سول اسپتال کی ایمرجنسی میں کوئی ڈاکٹر ڈیوٹی پر موجود نہیں تھا۔
تاہم نرسنگ اسٹاف نے دونوں زخمیوں کو طبی امداد دی اور ایک زخمی کو تشویش ناک حالت کے باعث نوابشاہ اسپتال منتقل کیا گیا۔
اطلاعات کے مطابق کچھ متاثرین نے اپنا سامان اور بچے چھوڑ کر دوسری جگہ جانے سے انکار کردیا ہے وہ بارش کے باوجود کھلے آسمان تلے ہی رات گزاریں گے۔
Leave a reply
