سارا خان کو کس قسم کے کردار کرنے کی ہے خواہش، جان کر رہ جائیں حیران

بالی وڈ اداکارہ سارا علی خان جو کہ سیف علی خان کی بیٹی ہیں وہ اکثر اپنی باتوں کی وجہ سے چرچا میں رہتی ہیں، آج کل وہ فلم گیس لائٹ کی شوٹنگ میں مصروف ہیں. حال ہی میں انہوں نے ایک انٹرویو دیا ہے اس میں انہوں نے کہا ہے کہ میں کرداروں کا انتخاب کرنا سیکھ گئی ہوں گو کہ میرا کیرئیر صرف پانچ سال پر محیط ہے لیکن اس دوران میں نے بہت سارے اتار چڑھائو دیکھے اور بہت کچھ سیکھا ، میں نے تو یہ سیکھا ہے کہ جتنا مرضی آپ کو کسی چیز کا تجربہ ہو جائے لیکن پھر بھی کسی نہ کسی سے مشورہ ضرور لیا جانا چاہیے. اور کرداروں اور سکرپٹ

کے انتخاب کو لیکر کسی سے مشورہ کر لینے میں کوئی برائی نہیں ہے. انہوں نے یہ بھی کہا کہ مجھے مضحکہ خیز اور عجیب و غریب کردار کرنے کی خواہش ہے ، میں انتظار میں ہوں کہ مجھے کوئی ایسا کردار ملے اور میں کروں، انہوں نے کہا کہ میں کیا کررہی ہوں کیا نہیں‌ کررہی میری والدہ اور والد مجھ پر کسی قسم کا دبائو نہیں‌ رکھتے انہوں نے مجھے میرے کام کے حوالے سے کھلی چھوٹ دے رکھی ہے میں اپنی مرضی کے مطابق پراجیکٹس سائن کرتی ہوں.