سرگودھا: نجی سکول و کالج میں یوم آزادی کے حوالے سے تقریب منعقد کی گئی

سرگودھا ،باغی ٹی وی (ملک شاہنواز جالپ نامہ نگار)سرگودھا: خبیب گرلز سکول و کالج سرگودھا میں پاکستان کے 76واں یوم آزادی کے حوالے سے مختلف تقریبات کا اہتمام کیا گیا۔ سرگرمیوں کا آغاز نماز فجر کے بعد قران خوانی کے ساتھ کیا گیا اور وطن کے لیے اپنی جانوں کا نذرانہ پیش کرنے والے تمام مجاہدین کے لیے فاتحہ خوانی کی گئی

اس کے علاوہ جشن آزادی آرٹ کے مقابلے کا انعقاد کیا گیا جس میں طلباء نے دل کو چھو لینے والی مختلف تصاویر بنائیں جنہوں نے اپنے پیارے ملک کے ساتھ ان کے جذباتی وابستگی کو ظاہر کیا۔ طالبات نے ماحول کو مزید صاف بنانے کے لیے پودے لگائے،

طلباء نے اردو اور انگریزی میں گرمجوشی سے بھرپور تقاریر پیش کیں، قومی ترانوں پر مختلف ٹبلیو پیش کئے اور ملی نغموں کے مقابلہ جات میں حصہ لیا۔ کھانا پکانے کے مقابلوں میں طالبات نے سبز اور سفید کے تھیم میں مزیدار اور رنگ برنگے پکوان بناۓ

اس موقع پر پرنسپل خبیب گرلز سکول و کالج ثروت انصر نے پاکستان کی آزادی کے بارے میں اپنے جذبات کا اظہار کرتے ہوئے کہا کہ نوجوانوں کے لیے یہ بہت ضروری ہے کہ وہ پاکستان کی آزادی کے لیے اپنے آباؤ اجداد کی قربانیوں کو یاد رکھیں۔ نوجوان ہماری طاقت ہیں اور پاکستان کے اس غیر یقینی اور تکلیف دہ جمہوری دور میں ہمیں مضبوط، خوشحال اور پاکستان کی لمبی زندگی کے لیے خود کو دوبارہ وقف کرنا چاہیے۔

انہوں نے اپنی خواہش کا اظہار کیا کہ وہ طالبات کو شاندار تعلیمی ریکارڈ اور اپنے ملک کو پوری دنیا میں باوقار بنانے کے عزم کے ساتھ دیکھنا چاہتیی ہیں پرنسپل میڈم سروت انصر نے مزید کہا کہ خبیب گرلز سکول و کالج یتیم بچیوں کا ایک فلاحی ادارہ ہے جس کو خبیب فاؤنڈیشن چلا رہی ہے ہم چیئرمین خبیب فاؤنڈیشن ندیم احمد خان کا شکریہ ادا کرتے ہیں جو ان یتیم بچیوں کے سر پر شفقت کا ہاتھ رکھے ہوئے ہیں اور ان یتیم اور مستحق بچیوں کی کفالت کرتے ہیں

انہوں نے سرگودھا کے مخیر حضرات سے گزارش کی کہ وہ آئیں اور ہمارے ادارے کا وزٹ کریں اگر دل مطمئن ہو تو ہمارے ادارے کا حصہ بن کر ان یتیم بچیوں کی کفالت کریں