سرگودہا،قبضہ پولیس میں لی گئی پانچ من سے زائد منشیات نذر آتش

سرگودہا(نمائندہ باغی ٹی وی )تفصیلات کے مطابق سینیئر سول جج سرگودہا احسن محمود ملک کی زیر نگرانی فیصلہ شدہ مقدمات میں قبضہ پولیس میں لی گئی منشیات کی تلفی کی گئی جس میں 135 کلو گرام چرس ،83کلو گرام افیون اور 596 گرام پوست نذر آتش کی گئی.ڈی پی او حسن مشتاق سکھیرا کی ہدایت پر انسپکٹر لیگل قاسم حیات نے سیشن جج کو ایک تحریری درخواست دی جس پر سول جج احسن محمود ملک کو نگران مقرر کیا گیا جبکہ پولیس کی طرف سے انسپکٹر لیگل قاسم حیات ،ایس ایچ او صدر حاجی احمد اور محرر مال خانہ پر مشتمل کمیٹی تشکیل دی گئی کمیٹی نے ریکارڈ چیک کرنے کے بعد اپنی موجودگی میں قبضہ پولیس میں لی گئی پانچ من سے زائد منشیات کو نذر آتش کیا