چاغی:الیکشنز میں ڈیوٹی سے انکار پر سرکاری افسر کے وارنٹ گرفتاری جاری کر دیئے-
باغی ٹی وی: ڈسٹرکٹ ریٹرننگ آفیسر (ڈی آر او) اور ڈپٹی کمشنر (ڈی سی) چاغی طفیل احمد بلوچ نے جمعرات کو ہونے والے جنرل الیکشن میں ڈیوٹی سے انکار کرنے اور غفلت برتنے پر ایگریکلچر کے ملازم اسد اللہ کے وارنٹ گرفتاری جاری کردئیے۔
ڈی آر او اور ڈی سی چاغی کی جانب سے جاری مراسلے کے مطابق ایگریکلچر ملازم اسد اللہ کے خلاف 1973 کے آئین کے آرٹیکل 218 جبکہ الیکشن ایکٹ 2017 سیکشن 54 کے تحت کارروائی عمل میں لاکر ان کے خلاف وارنٹ گرفتاری جاری کرکے ملازمت سے برطرفی کے مراسلہ حکام بالا کو ارسال کردیا گیا، اس ضمن میں کسی صورت غفلت برداشت نہیں کیا جائے گی اور کوتاہی کرنے والوں کے خلاف قانونی کاروائیوں کا سلسلہ جاری رہے گا۔
