ثروت گیلانی اور ان کے شوہر کی روم ائیر پورٹ پر بھارتی فلمساز سے اچانک ملاقات

پاکستان ٹی وی و فلم انڈسٹری کی معروف اداکارہ ثروت گیلانی اور ان کے شوہر فہد مرزا کی اٹلی کی سیر سے واپسی پر روم کے ایئر پورٹ پر بالی ووڈ کے معروف ہدایت کار کرن جوہر سے ملاقات ہوئی جس نے ان کے اٹلی کے ٹور کو یادگار بنا دیا

ثروت نے کرن جوہر کے ہمراہ سیلفی سوشل میڈیا ویب سائٹ انسٹا گرام پر شیئر کرتے ہوئے لکھا کہ کرن جوہر سے ملاقات کے لئے ہم ایئر پورٹ پر ان کے پیچھے بھاگے کرن جوہر کو اسٹار قرار دیتے ہوئے اداکارہ نے لکھا کہ وہ نہایت عاجز اور حقیقت پسند شخصیت ہیں

فہد مرزا نے بھی اپنے انسٹاگرام اکاؤنٹ پر کرن جوہر کے ہمراہ ایک مختصر ویڈیو شیئر کی جس میں بتایا کہ روم سے دوحہ جاتے ہوئے ان کی ملاقات بھارتی فلم ساز کرن جوہر سے ہوئی
https://www.instagram.com/p/B721R9-JGim/?igshid=bwye85a5h4d7
ویڈیو میں فہد مرزا کے کہنے پر کرن جوہر نے خوش دلی سے تمام پاکستانیوں کو ’ہیلو‘ کہا

شوبز کی دنیا کی معروف اور جانی مانی جوڑی فہد مرزا اور ثروت کی شادی سال 2014 میں ہوئی تھی ان کے 2 بچے بھی ہیں