اسلام آباد:وزیراعظم عمران خان سے سسی پلیجو نے ایک ایسی درخواست کردی کہ مخالفین سرپکڑ کر بیٹھ گئے ، اطلاعات کےمطابق پاکستان پیپلزپارٹی کی سینیٹر سسی پلیجو نے وزیراعظم سے فروغ نسیم کو وزارت سے ہٹانے کا مطالبہ کردیا ہے۔
سسی پلیجو کا کہنا ہے کہ پی ٹی آئی ایم کیو ایم کے ہاتھوں میں کھیلنا بند کرے۔ پی ٹی آئی بتائے کہ اس نے ایم کیو ایم کا منشور کب سے اپنایا ہے؟ جس نے بھی سندھ کی طرف میلی آنکھ سے دیکھا اس کی سندھ کی عوام آنکہیں نکال دے گی۔
سسی پلیجو نے کہا کہ پی ٹی آئی اور ایم کیو ایم سندھ کو کالونی سمجھنا بند کرے۔ کراچی کمیٹی اور آرٹیکل (4) 149 کا خیال سندھ کی صوبائی خودمختاری پر مداخلت کے مترادف ہے۔ سندھ کی صوبائی خودمختاری میں مداخلت سندھ کی عوام کو کسی صورت قبول نہیں ہے۔
