Ayesha Rehmani
امریکی ریاست نیویارک کے علاقے کوئنز بورو میں ایک گھر میں چاقو کے وار سے دو بچوں سمیت چار افراد قتل اور تین زخمی ہوگئے۔
باغی ٹی وی: خبر ایجنسی روئٹرز کے مطابق مشتبہ شخص نے پولیس پر بھی حملہ کیا جس سے2 اہلکار زخمی ہوئے، پولیس نے مشتبہ شخص کو گولی مارکر ہلاک کردیا نیو یارک سٹی پولیس ڈپارٹمنٹ نے کہا کہ کوئنز فار راک وے کے علاقے میں ایک لڑکی نے اس واقعے کی اطلاع دینے کے لیے فون کیا اور کہا کہ ’اس کا کزن اس کے اہل خانہ کو قتل کر رہا ہے۔‘
نیو یارک پولیس کے مطابق 38 سالہ مشتبہ شخص نے موقع پر پہنچنے والے دو پولیس اہلکاروں پر بھی چاقو سے حملہ کیا اس کے بعد ایک افسر نے اسے گولی مار کر ہلاک کر دیا ، ملزم کو گھریلو تشدد کے الزام میں پہلے بھی گرفتار کیا جا چکا ہے، حملے کے حوالے سے مزید تفتیش جاری ہے جبکہ مقتولین میں 12 سالہ لڑکا، 11 سالہ لڑکی، 44 سالہ خاتون اور 30 سال کا ایک مرد شامل ہے۔
