وزیراعظم عمران خان کا سعودی ولی عہد شہزادہ محمد بن سلمان کو فون

اسلام آباد: وزیر اعظم عمران خان نے سفارتی محاذ پر خود سرگرمی دکھانی شروع کردی اطلاعت کے مطابق وزیراعظم عمران خان نے سعودی ولی عہد شہزادہ محمد بن سلمان کو فون کیاہے۔ وزیراعظم نے سعودی ولی عہد کے دورہ پاکستان میں انکے سیاسی ومعاشی تعاون پرشکریہ ادا کیا۔

اسلام آباد سے ذرائع کا کہناہے کہ سعودی ولی عہد شہزاد محمد بن سلمان نے وزیراعظم عمران خان کو دورہ سعودی عرب کی دعوت بھی دی ۔شہزادہ محمد بن سلمان نے کہا کہ وزیراعظم عمران خان اقوام متحدہ کی جنرل کونسل کے اجلاس سے واپسی پرسعودی عرب کا دورہ کریں۔

ذرائع کے مطابق وزیراعظم عمران خان نے سعودی ولی عہد شہزاد محمد بن سلمان سے پرنس بندر بن عبدالعزیز کے انتقال پراظہار تعزیت بھی کیا۔دونوں رہنمائوں نے اپنی بات چیت کے دوران دوطرفہ شراکت داری کو مزید مضبوط بنانے کے عزم کااعادہ کیا۔
وزیر اعظم پاکستان عمران خان نے کہا کہ پاکستانی قیدیوں کی رہائی پر سعودی ولی عہد کا شکر گزار ہوں جب کہ پاکستانی قوم آپ سے بہت محبت کرتی ہے۔

واضح رہے کہ سعودی ولی عہد شہزاد محمد بن سلمان نے رواں سال فروری میں پاکستان کا دورہ کیا تھا۔جس کے بعد دونوں ملکوں کے درمیان حالات پہلے سے بہت بہتر ہوگئے ہیں