سعودی عرب کی ٹیم نے پاکستان کو دو کے مقابلہ میں چار گول سے شکست دے دی
سعودی عرب نے پاکستان کو 2020 اے ایف سی کوالیفائر چیمپیئن شپ 2019 گروپ ڈی کے چوتھے میچ میں دو کے مقابلے چار گول سے شکست دیدی ہے،
باغی ٹی وی کی رپورٹ کے مطابق پرنس سعود بن سلاوی سٹیڈیم میں کھیلے جانے والے میچ میں میزبان سعودی عرب کی جانب سے 14 ویں منٹ میں ولید شبیر نے گول کیا تو اگلے منٹ میں عبدالعزیز سعود نے بال کو جال کی راہ دکھا کر مقابلہ دو صفر کر دیا، میچ کے 38 ویں منٹ میں سعودی عرب کے محمد عبداللہ نے گول کر کے اپنی ٹیم برتری کو تین صفر کر دیا، پہلے ہاف کے خاتمے پر سعودی عرب کو پاکستان پر تین صفر کی برتری حاصل تھی، میچ کے 63 ویں منٹ میں پاکستان کے عامر خان نے گول کر کے ایک گول خسارہ کم کیا جو جلد ہی چار منٹ بعد سعودی کھلاڑی نے عبدالعزیز نے گول کر کے مقابلہ چار ایک کر دیا،
میچ کے 73 ویں منٹ میں معین احمد نے گول کر کے مقابلہ چار دو کر دیا۔ پاکستان اپنا آخری لیگ میچ 22 ستمبر اتوار کو شام کے خلاف کھیلے گی،
