سعودی عرب : وزارت حج و عمرہ نے 18 ماہ بعد غیر ملکی عمرہ زائرین کے لئے پابندیاں ختم کر دیں ویکسینیشن کروانے والے غیر ملکی باشندے بھی عمرہ ادا کر سکیں گے-
باغی ٹی وی : عرب میڈیا کے مطابق وزارت حج و عمرہ کہا ہے کہ نیا عمرہ سیزن یکم محرم سے شروع ہوگا جس میں شہریوں اور مقیم غیر ملکیوں کے علاوہ بیرون ملک سے عمرہ زائین کی درخواستیں وصول کی جائیں گی درخواستوں کی وصولی کا آغاز کل سے ہو گا-
وزارت نے کہا کہ مختلف ممالک سے مرحلہ وار عمرہ زائین کو ویزے جاری کئے جائیں گے۔روزانہ 60 ہزار افراد کو مسجد الحرام اور مسجد نبوی شریف جانے کی اجازت دی جائے گی-
وزارت کا کہنا ہے کہ 8 شفٹوں میں عمرہ زائرین کی ماہانہ تعداد بتدریج 20 لاکھ کردی جائے گی جنہیں توکلنا اور اعتمرنا کے ذریعہ اجازت نامے جاری ہوں گے۔
اردو نیوز کی رپورٹ کے مطابق نائب وزیر حج و عمرہ ڈاکٹر عبد الفتاح مشاط نے کہا ہے کہ وزارت نے دیگر متعلقہ اداروں کے ساتھ ملک نئے عمرہ سیزن کے آغاز کے لیے کام کیا ہےزائرین حرم کو بہترین سہولتوں کی فراہمی کے ساتھ محفوظ ماحول فراہم کرنے کی یقین دہانی کرائی گئی ہے۔
یو اے ای حکومت سے ضروری ریپڈ ٹیسٹ کی بجائے اینٹیجن ٹیسٹ قبول کرنے کی درخواست کریں سی اے اے حکام…
انہوں نے کہا ہے کہ ایک بس میں عمرہ زائرین کی تعداد گنجائش کے حساب سے 50 فیصد رہے گی جبکہ کدی اور ششہ مراکز کے ذریعہ عمرہ زائرین کو حرم تک لے جایا جائے گا مکرمہ میں عمرہ زائرین کے لیے 50 ٹرانسپورٹ کمپنیاں عمرہ زائرین کو ٹرانسپورٹ کی سہولت فراہم کریں گے۔
علاوہ ازیں حرم میں داخلے کے لیے تین مقامات کا تعین کیاگیا ہے جہاں پہلے زائرین کے اجازت ناموں کو دیکھنے کے بعد انہیں مختلف دروازوں سے حرم داخل کیا جائے گا-
