سعودی عرب کے تبوک ریجن میں سعودی شہری اپنے ساتھیوں کے ہمراہ ایک گڑھے کے اندر سونا تلاش کرنے کی کوشش میں جان سے ہاتھ دھو بیٹھا۔
باغی ٹی وی : سعودی میڈیا کے مطابق تبوک ریجن میں ایک ایسا گڑھا پایا جاتا ہے جس کے بارے میں یہ افواہ ہے کہ گڑھے کے اندر ایک خاص مقام پر سونا دفن ہے سونے کو نکالنے کے لیے چند سعودی شہری گڑھے میں داخل ہوگئے۔
شہریوں میں سے ایک شخص سونے کی تلاش میں گڑھے کے کافی اندر داخل ہوگیا اور کھدائی کے دوران ریت کا تودا اس شخص پر گر گیا کئی گھنٹوں کی کوشش کے بعد ریت تلے دبے شخص کو بڑی مشکل سے نکال لیا گیا لیکن تب تک وہ شخص ہلاک ہوچکا تھا۔
پولیس نے لاش کو ضابطے کی کارروائی کے لیے اسپتال بھیجوادیا جب کہ اس کے پانچ دوستوں کو حراست میں لیکر پوچھ گچھ کی اور بعد میں پبلک پراسیکیوشن کے حوالے کر دیا۔
دوسری جانب انڈونیشیا میں ماہی گیروں کو گہرے سمندر سے صدیوں پرانا سونا اور بیش قیمت اشیا مل گئیں انڈنیشیا کے جزیرے سماٹرا کے قریب میں ماہی گیروں نے غوطہ خوری کے دوران صدیوں پرانا سونا اور دیگر بیش قیمت اشیا دریافت کر لیں جو کئی صدیوں پرانی ہیں۔
ماہی گیروں نے گہرے سمندر سے صدیوں پرانا سونا دریافت کر لیا
ملنے والے سونے کے ذخائر میں قیمتی جواہرات، سونے کے زیورات، سکے اور کانسی کی دیگر اشیا شامل ہیں جبکہ ان اشیا میں ایک قد آدم بدھا کا مجسمہ بھی شامل ہے جس پر بیش قیمت زیوارت کنداں ہیں ماہرین آثار قدیمہ کا کہنا ہے کہ ملنے والی قدیم اشیا 7 سے 13 صدیاں پرانی ہیں یہاں طاقتور تہذیت ہوا کرتی تھی جو ایک صدی بعد پراسرار طور پر غائب ہو گئی تھی جس کی وجوہات آج تک سامنے نہیں آ سکیں۔
ماہرین کا کہنا ہے کہ زیوارت کی برآمدگی اس بات کا ثبوت ہے کہ یہ سلطنت کوئی دیومالائی داستان نہیں بلکہ حقیقت پر مبنی ہے اس جزیرے کی تلاش گزشتہ 5 سال کی جاری تھی۔ اس سلطنت کا بیشتر حصہ پانی پر آباد تھا اور یہاں لکڑی کی کشتیاں استعمال ہوتی تھیں اس گمشدہ جزیرے کے بارے میں مشہور تھا کہ وہاں سونے کے ذخائر موجود ہیں جنہیں ماہی گیروں نے دریافت کر لیا دریافت ہونے والے ذخائر قدیم انڈونیشی تہذیب سے تعلق رکھتے ہیں۔
