سعودیہ میں اداکاروں پر حملہ

سعودہ عرب میں تھیٹر پر ایک مسلح شخص نے سٹیج پر فنکاروں پر حملہ کر دیا جسے بعد میں گرفتار کر لیا گیا.

باغی ٹی وی : سعودی عرب کے صوبے ریاض کی پولیس کے میڈیا ترجمان شاکر بن سلیمان التویجری نے بتایا ہے کہ دارالحکومت میں کنگ عبداللہ بن عبدالعزیز پارک کے تھیٹر میں ہونے والے ایک ثقافتی ایونٹ کے دوران فن کاروں پر حملہ کرنے والے شخص کو گرفتار کر لیا گیا۔

حملہ آور نے پیر کی شب مقامی وقت کے مطابق آٹھ بجے تھیٹر کی ٹیم کے ارکان میں دو مردوں اور ایک خاتون کو اُس وقت چاقو سے حملے کا نشانہ بنایا جب وہ اسٹیج پر براہ راست اپنے فن کا مظاہرہ کر رہے تھے۔ حملہ آور مملکت میں مقیم ایک 33 سالہ یمنی ہے جس کے اسٹیج پر دھاوا بولنے کے فوری بعد اس پر قابو پالیا گیا۔ حملہ آور کے قبضے سے استعمال ہونے والا ہتھیار "چاقو” برآمد کر لیا گیا اور اسے حراست میں لے کر قانونی کارروائی شروع کر دی گئی۔
واضح‌رہے کہ جب سعودی عرب میں تھیٹر اور سینما کی چھوٹ ملی ہے تب سے مذہبی طبقے کی جانب سے اس کو شدید تنقدید کا نشانہ بنایا جارہا ہے. اور یہ طبقہ جدت پسندی کےایسے اقدام سے بہت نالاں ہے.