قندیل بلوچ کے قتل میں ملوث بھائی کو سعودیہ نے حوالے کر دیا

سعودی عرب نے قندیل بلوچ کے قتل میں ملوث بھائی کو پاکستان کے حوالے کر دیا

باغی ٹی وی رپورٹ کے مطابق قندیل بلوچ کے کیس میں‌اہم پیش رفت ، چند برس قبل اندوہ ناک طریقے سے قتل کی جانے والی پاکستانی سوشل میڈیا اسٹار قندیل بلوچ کے بھائی کو سعودی انٹرپول نے بدھ کے روز گرفتار کر لیا۔ تفصیلات کے مظفر اقبال کو جو اپنی فیشن ماڈل بہن کے قتل میں ملوث ہونے کے سبب پاکستانی انٹرپول کو مطلوب تھا پاکستانی حکام کے حوالے کر دیا گیا ہے۔

پاکستانی میڈیا کے مطابق مظفر نے اپنے ایک بھائی محمد وسیم کو اکسایا تھا کہ وہ قندیل بلوچ کو قتل کر دے۔

یاد رہے کہ جولائی 2016 میں 26 سالہ قندیل بلوچ کے بھائی محمد وسیم نے اپنی بہن کا گلا گھونٹ کر اسے موت کی نیند سلا دیا تھا۔گذشتہ برس ستمبر میں پاکستانی عدالت نے قندیل بلوچ کا قتل ثابت ہونے پر محمد وسیم کو عمر قید کی سزا سنائی تھی۔

مجرم نے گرفتاری کے چند روز بعد ایک پریس کانفرنس میں کہا تھا کہ وہ اپنے کیے پر ہر گز نادم نہیں۔ قندیل بلوچ کے قتل کی وجہ بیان کرتے ہوئے محمد وسیم کا کہنا تھا اسے سوشل میڈیا پر اپنی بہن کی قابل اعتراض تصاویر اور وڈیوز کسی طور قابل قبول نہ تھیں لہذا اس نے تنگ آ کر قندیل کی جان لے لی۔
قتولہ قندیل بلوچ کے دونوں بھائی عارف اور مظفر مقدمے میں نامزد تھے جو فرار ہو کر سعودی عرب چلے گئے تھے۔

گزشتہ برس اکتوبر میں ملزم عارف کو انٹرپول کی مدد سعودی عرب سے گرفتار کر کے ملتان منتقل کیا گیا تھا اور اب دوسرے بھائی ملزم مظفراقبال کو پاکستان کے حوالے کر دیا گیا ہ