سعودیہ بھی میزائل سسٹم کو چین کی مدد سے اپ گریڈ کرے گا

چین کے تعاون سے سعودیہ خود کو میزائل ٹیکنالوجی میں خود کفیل کرنے لگا اپنے بیلیسٹک میزائل سسٹم کو اپ گریڈ کرنا شروع کر دیا.

تفصیلات کے مطابق جریدہ ‘انٹرنیشنل پالیسی ڈائجسٹ’ کی طرف سے شائع کردہ رپورٹ میں کہا گیا ہے کہ سعودی عرب نے چین کے براہ راست تعاون سے اپنے ملک میں بیلسٹک میزائلوں کی تیاری اور انہیں اپ گریڈ کرنے کا سلسلہ شروع کیا ہے۔ اخبار نے استفسار کیا ہے کہ آیا سعودی عرب نے اس نوعیت کی اسلحہ سازی کی تنصیبات کے قیام میں تکنیکی طورپر کیسےمہارت حاصل کی ہے۔

رپورٹ میں کہا گیا ہے کہ سعودی عرب اپنے میزائل پروگرام کو صرف دفاعی مقاصد کے لیے تیار کررہا ہے جس کا مقصد ایران کی طرف سے سعودی عرب کی سلامتی کو لاحق خطرات کا تدارک کرنا ہے۔ ایران یمن کے حوثی باغیوں کے ذریعے سعودی عرب پر بیلسٹک میزائلوں کے ذریعے حملے کرارہا ہے۔ سعودی عرب دیگر دنیا کے ممالک کی طرح بلا وجہ اسلحہ کے انبار نہیں لگا رہا ہے بیلسٹک میزائل ریاض کے دفاع اور سلامتی کی ضرورت بن چکا ہے۔