مقبوضہ کشمیر کے علاقے پہلگام میں سیاحوں کے گروپ پر مسلح افراد کے حملے میں 2 غیرملکیوں سمیت 26 افراد ہلاک ہوگئے ہیں۔
بھارتی میڈیا کے مطابق انڈیا ٹوڈے نے لکھا کہ 26 افراد ہلاک ہوئے جن میں 2 غیرملکی شامل ہیں۔ زی نیوز کے مطابق ایک غیرملکی کا تعلق نیپال اور دوسرے کا متحدہ عرب امارات سے ہے۔ اس حوالے سے بھارتی میدیا رپورٹس میں بتایا گیا کہ سیاح جانیں بچانے کیلئے بھاگے لیکن وہاں چھپنے کی بھی کوئی جگہ نہیں تھی۔ حملے کے نشانہ بننے والوں میں کئی بھارتی جوڑے شامل تھے۔ سوشل میڈیا پر گردش کرنے والی ایک تصویر میں ایک بھارتی خاتون اپنے شوہر کی لاش کے ساتھ بیٹھی ہے۔
منگل کی دوپہر ڈھائی بجے کے قریب مسلح افراد نے پہلگام کے بیسرن میڈوز میں بھارتی سیاحوں کے ایک گروپ پر قریب سے آکر فائرنگ کردی، حملے کے بعد خوفناک مناظر تھے، ہر طرف لاشیں بکھر گئیں۔ہلاک ہونے والوں میں افراد بھارتی بحریہ کا ایک اہلکار اور انٹیلی جنس بیورو کا اہلکار بھی شامل ہے۔ 26 سالہ لیفٹیننٹ ونے نروال کی 16 اپریل کو شادی ہوئی تھی۔
اس حملے کے بعد بھارتی میڈیا نے دعویٰ کیا کہ کشمیر کے مزاحمتی فرنٹ نے حملے کی ذمہ داری قبول کی ہے۔واجھ رہے کہ بیسرن میڈوز پہلگام ہل اسٹیشن سے پانچ کلومیٹر کے فاصلے پر ایک کھلا میدان ہے جہاں تک صرف پیدل یا چھوٹے گھوڑوں (پونیوں) پر جایا جا سکتا ہے۔حملے کے بعد بھارتی وزیر داخلہ امت شاہ نے ایک اعلیٰ سطح کا اجلاس بلا لیا۔ تاہم بھارتی فوج اور پولیس کے اہلکار تاخیر سے حملے کے مقام پر پہنچے اور اس وقت تک حملہ آور جا چکے تھے۔واقعے کی مقبوضہ کشمیر کے رہنماؤں محبوبہ مفتی اور عمر عبداللہ نے حملے کی مذمت کی ہے۔
سابق اداکارہ عفت عمر نے حکومتی عہدہ ٹھکرا دیا
کراچی، ڈمپر ڈرائیور نے ریس لگاتے ہوئے کارسوار خاندان کچل دیا
پی آئی اے نجکاری، پھر درخواستیں طلب کرنے کا فیصلہ
