سزا کے خلاف سینئر صحافی نے کی سندھ ہائیکورٹ میں اپیل دائر، کیا موقف اپنایا؟
![](https://baaghitv.com/wp-content/uploads/2019/05/sindh-high-court087.jpg)
سزا کے خلاف سینئر صحافی نے کی سندھ ہائیکورٹ میں اپیل دائر، کیا موقف اپنایا؟
باغی ٹی وی کی رپورٹ کے مطابق کراچی پریس کلب کے ممبر،سینئر صحافی نصر اللہ چوہدری نے مبینہ ممنوعہ لٹریچر رکھنے کے الزام میں سنائی گئی سزا کو سندھ ہائی کورٹ میں چیلنچ کردیا ہے، اپیل میں موقف اختیار کیا گیا کہ انسداددہشت گردی عدالت کا فیصلہ بنیادی قانون کے اصول کے برخلاف اور حقائق کے منافی ہے،
سینئر صحافی کی جانب سے اپیل میں موقف اختیار کیا گیا کہ سادہ لباس میں ملبوس قانون نافذ کرنے والے اداروں کے اہلکار7نومبر 2018 کو کراچی پریس کلب میں غیر قانونی داخل ہوئے، صحافیوں کو ہراساں اوردھمکایا گیا تاہم صحافیوں کے احتجاج کے بعد 8نومبر 2018کی شب انہیں سادہ لباس میں ملبوس قانون نافذ کرنے والے اداروں کے اہلکاروں نے گھر سے غیر قانونی حراست میں لے لیا جس پر کراچی پریس کلب اورصحافتی تنظیموں کی جانب سے بھرپور احتجاج کے باعث سی ٹی ڈی نے تین روز تک غیر قانونی حراست میں رکھنے کے بعد جھوٹے اور بے بنیاد مقدمے میں نامزد کردیا،
بلاول کا آزادی صحافت کا نعرہ، سندھ میں 50 سے زائد صحافیوں پر سنگین دفعات کے تحت مقدمات درج
فردوس عاشق اعوان نے سنائی صحافیوں کو بڑی خوشخبری جس کے وہ 19 برس سے تھے منتظر
فواد چوہدری کا بے روزگار صحافیوں کیلئے بڑا اعلان، مستقبل کیلئے دیے اہم مشورے
برطانوی صحافی پر مقدمہ کرنے کے لئے فیاض الحسن چوہان کی شہباز شریف کو بڑی پیکشش
کراچی کے سینئر صحافی کو 5 سال قید کی سزا، صحافتی تنظیموں کا احتجاج
اپیل میں مزید کہا گیا کہ استغاثہ اپناکیس ثابت کرنے میں مکمل طور پر ناکام رہا اور ان کے خلاف ممنوعہ لٹریچر سے متعلق کوئی شواہد پیش نہیں کیے گئے، ان کی گرفتاری اور غیر قانونی حراست پر نہ صرف ملکی بلکہ عالمی میڈیا پر نشر ہونے والی خبریں ریکارڈ کا حصہ ہیں اورعدالت نے ان کی غیر قانونی حراست کو یکسر نظر انداز کرتے ہوئے سزا سنائی،
واضح رہے کہ انسداد دہشت گردی کی خصوصی عدالت نے جج منیر بھٹو نے سینئر صحافی نصر اللہ چوہدری کو مبینہ ممنوعہ لٹریچر رکھنے کے الزام میں 5سال قید، 10ہزار جرمانہ جبکہ عدم ادائیگی پر مزید ایک ماہ سزا کا حکم دیا تھا جسے اب ہائیکورٹ میں چیلنج کر دیا گیا ہے.