سپریم کورٹ نے جائیداد کا 110 سال پرانا کیس نمٹا دیا

اسلام آباد: سپریم کورٹ نے جائیداد کا 110 سال پرانا کیس نمٹا دیا-

باغی ٹی وی : چیف جسٹس پاکستان قاضی فائز عیسیٰ کی سربراہی میں تین رکنی بنچ نے سماعت کی، گوجرانوالہ کے ایک گاؤں میں حافظ عالم شیر نے 16دسمبر 1914 میں غلام رسول سے 9 کنال اراضی خریدی جس میں تین کنال دس مرلہ شاملاٹ زمین بھی شامل تھی جس پر مقدمہ بازی کا آغاز ہوا، 11 جولائی 1941 کو سول جج نے فیصلہ دیا کہ شاملاٹ زمین کی ملکیت نہیں مل سکتی۔

چیف جسٹس نے کہا کہ 11 جولائی 1941کو سول جج کا دیا گیا فیصلہ حتمی ہو چکا، کئی دہائیوں تک خاموش رہنے کے بعد دوبارہ کیس چلانے کیلئے ممبر بورڈ آف ریونیو سے رجوع کیا گیا 50سال بعد کیس دوبارہ دائر کرنے کی کیوں یاد آئی،1941 میں جو فیصلہ دیا گیا وہ کبھی کالعدم قرار نہیں دیا گیا، امانت میں خیانت نہیں کرنی چاہیے،عدالت نے فریقین کے وکلا کو سننے کے بعد اپیل خارج کردی یہ کیس سپریم کورٹ میں گیارہ سال تک زیر سماعت رہا-

راولپنڈی میں ڈاکوؤں کی فائرنگ سے 2 پولیس اہلکار زخمی

وفاقی کابینہ کا اہم اجلاس آج وزیر اعظم کی زیر صدارت ہو گا

بلوچستان میں کوئلے کی کان دھماکے سے بیٹھ گئی