واشنگٹن: 5 سالہ طالبہ کو لات مارنے پر ٹیچر کو قید اور نااہلی کی سزا اطلاعات کے مطابق امریکی ریاست کناس کی عدالت نے 55 سالہ اسکول ٹیچر کو ایک طالبہ کو لات مارنے پر ایک ماہ قید اور ایک سال کے لیے نااہلی کی سزا سنائی ہے۔
امریکی نشریاتی ادارے کے مطابق ریاست کناس کے بلیو جیکٹ فلنٹ ایلیمنٹری اسکول کی 55 سالہ اسکول ٹیچر کرسٹل اسمتھ کو کم سن طالبہ کو دھکا دینے اور لات مارنے پر ایک ماہ قید کی سزا سنائی گئی ہے۔
امریکی نشریاتی ادارے کے مطابق استانی کرسٹل اسمتھ کو ایک سال کے لیے نااہل بھی قرار دیا گیا ہے جب کہ اس دوران ٹیچر کو غصے کو قابو میں رکھنے سے متعلق ماہر نفسیات سے کلاسیں بھی لینا ہوں گی۔
امریکی نشریاتی ادارے کے مطابق طالبہ کی والدہ نے اسکول انتظامیہ سے ٹیچر کے رویے کی شکایت کی تھی لیکن اُس وقت ٹیچر نے طالبہ کو مارنے کے الزام کو مسترد کردیا تھا۔
امریکی نشریاتی ادارے کے مطابق اسکول انتظامیہ نے والدہ کی درخواست پر سی سی ٹی وی فوٹیجز دیکھیں تو ٹیچر طالبہ کو ایک بک شیلف سے گھسیٹتے ہوئے اور لات مارتے ہوئی پائی گئیں۔
اسکول نے ٹیچر کو ملازمت کو برخاست کردیا تاہم والدہ نے مقامی عدالت سے رجوع کیا جہاں ٹیچر کو طالبہ کی عزت نفس کو ٹھیس پہنچانے اور تشدد کے الزام میں سزا سنادی گئی۔
