باغی ٹی وی کی رپورٹ کے مطابق ایڈیشنل ڈائریکٹرایس ای سی پی ارسلان ظفرکی ڈیٹا لیک انکوائری کے خلاف درخواست پر سماعت ہوئی
اسلام آباد ہائیکورٹ نے ارسلان ظفر کیخلاف کارروائی روکنے کے حکم امتناع میں 27 اکتوبرتک توسیع کر دی،اسلام آباد ہائیکورٹ کے چیف جسٹس اطہرمن اللہ نے سماعت کی،ارسلان ظفر نے انکوائری کمیٹی کی تشکیل اور انکوائری کمیٹی رپورٹ کو چیلنج کر رکھا ہے
وکیل ایس ای سی پی نے عدالت میں کہا کہ جواب تیار ہے، جلد جمع کروا دیا جائے گا، کچھ مہلت دی جائے، اسلام آباد ہائیکورٹ کے چیف جسٹس اطہر من اللہ نے کہا کہ یہ بتائیں کہ یہ معلومات تو پبلک نہیں ہونی چاہییں، اس سوال کی روشنی میں اپنا تحریری جواب جمع کرائیں،
ایس ای سی پی کے ایڈیشنل ڈائریکٹر نے اسلام آباد ہائیکورٹ میں درخواست دائر کی جس میں وزیر اعظم کے معاون خصوصی برائے اطلاعات لیفٹیننٹ جنرل (ر) عاصم سلیم باجوہ کے خاندانی کاروبار سے متعلق ڈیٹا لیک ہونے پر انہیں شوکاز نوٹس جاری کرنے کو چیلنج کیا گیا
ایڈیشنل ڈائریکٹر ایس ای سی پی محمد ارسلان ظفر نے ڈیٹا لیک کی تحقیقات کیلئے قائم تحقیقاتی کمیٹی کو کالعدم قرار دینےکی استدعا کردی،عدالت میں دائر درخواست میں درخواست گزار نے کہا کہ 9 ستمبر کو جبری رخصت پر بھیجا گیا اور لیپ ٹاپ قبضے میں لے لیا گیا، 14 ستمبر کو ڈیٹا لیک پر تحقیقات کے حوالے سے تفصیلی جواب تحقیقاتی کمیٹی کو جمع کرایا،ایڈیشنل جوائنٹ ڈائریکٹر آئی ٹی ہارون الرشید کی تحقیقاتی کمیٹی میں شمولیت قوانین کے خلاف ہے ،تحقیقاتی کمیٹی کی رپورٹ حقائق کے خلاف اور امکانات پر مبنی ہے،تحقیقاتی رپورٹ کی روشنی میں بھیجا گیا شوکاز نوٹ اور ایس ای سی پی ڈیٹا لیک کی تحقیقات کیلئے قائم تحقیقاتی کمیٹی کو کالعدم قرار دیا جائے،
اسلام آباد ہائیکورٹ نے ایس ای سی پی کو ارسلان ظفر کیخلاف کارروائی سے روک دیا
