سیکیورٹی فورسز کے ڈیرہ اسماعیل خان کے علاقے روڑی میں انٹیلی جینس بیسڈ آپریشن میں ایک دہشتگرد ہلاک اور دو زخمی ہوئے-
باغی ٹی وی : آئی ایس پی آر کے مطابق ڈیرہ اسماعیل خان کے علاقے روڑی میں انٹیلی جینس بیسڈ آپریشن میں ایک دہشت گرد ہلاک دو دہشت گردزخمی ہوئے ،ہلاک دہشت گرد کی شناخت ٹی ٹی پی کے خودکش بمبار اسامہ کے نام سے ہوئی ،دہشتگرد علاقے میں ایک ہائی پروفائل واقعہ کی منصوبہ بندی کر رہا تھا –
آئی ایس پی آر کے مطابق سیکیورٹی فورسز کی لکی مروت میں بھی کاروائی میں ایک دہشت گرد ہلاک ہوا ، فائرنگ کے شدید تبادلے کے دوران دو فوجی جوان بھی شہید ہوئے ،نائیک ظفر اقبال اور سپاہی حاجی جان نے بہادری سے لڑتے ہوئے جام شہادت نوش کیا –