وفاقی وزیر ماحولیاتی تبدیلی شیری رحمان نے کہا ہے کہ پری مون سون کی بارشوں سےسیلاب اور پہاڑی علاقوں میں لینڈ سلائیڈنگ کا خدشہ ہے۔
باغی ٹی وی: محکمہ موسمیات نے25سے 30جون تک پری مون سون بارشوں کی پیشگوئی کی ہے جس سے گرمی کی موجودہ لہرمیں کمی ہو گی آج سے 30 جون تک اسلام آباد،راولپنڈی میں گرج چمک کے ساتھ بارش متوقع ہے مری، گلیات کشمیر، گلگت بلتستان میں بھی بارش کا امکان ہے،جنوبی پنجاب،سندھ اوربلوچستان میں 26 سے 29 جون تک پری مون سون بارش کا امکان ہے۔
محکمہ موسمیات کی جانب جاری بیان میں کہا گیا ہے کہ بحیرہ عرب سے ملک کے بالائی اور وسطی علاقوں میں مرطوب ہوائیں داخل ہو رہی ہیں اور اس کے علاوہ 25 جون سے ایک مغربی ہواؤں کا سلسلہ ملک کے بالائی علاقوں میں داخل ہونے کا امکان ہےاس موسمی نظام کےزیراثر 24 جون کی رات سے 30 جون کے درمیان اسلام آباد، راولپنڈی، مری، گلیات، اٹک، چکوال، جہلم، کشمیر، گلگت بلتستان، چترال، سوات، مانسہرہ، کوہستان، ایبٹ آباد، ہری پور، پشاور، مردان، صوابی، نوشہرہ، کرم، بنوں، لکی مروت، کوہاٹ میں تیزہواؤں اور گرج چمک کے ساتھ بارش کا امکان ہے جب کہ بعض مقامات پر تیز، موسلادھار بارش کی بھی توقع ہے۔
روس میں مسلح بغاوت پر امریکا، قطر اور ایران کا ردعمل
محکمہ موسمیات نے کہاکہ ان علاقوں کےعلاوہ میانوالی، سرگودھا، حافظ آباد، منڈی بہاالدین، سیالکوٹ،نارووال، لاہور،گوجرانوالہ، گجرات، شیخوپورہ، فیصل آباد، جھنگ، ٹوبہ ٹیک سنگھ میں بھی تیز ہواؤں اور گرج چمک کے ساتھ بارش کا امکان ہے جب کہ بعض مقامات پر تیز، موسلادھار بارش کی بھی توقع ہے۔
25 سے 30 جون تک بالائی اور وسطی علاقوں میں آندھی /گرج چمک کے ساتھ پری مون سون بارشوں کی پیش گوئی
(25 جون سے گرمی کی لہر میں کمی کا امکان)#Monsoon2023 pic.twitter.com/ezNvcbTCwx— Pak Met Department محکمہ موسمیات (@pmdgov) June 22, 2023
اس سسٹم کے زیر اثر 26 جون کی رات سے 29 جون کے دوران بارکھان، لورالائی، سبی، نصیر آباد، قلات، خضدار، ژوب، زیارت، موسیٰ خیل، ڈی آئی خان، کرک، وزیرستان، ڈی جی خان، راجن پور، ملتان، بھکر، لیہ، کوٹ ادو، بہاولنگر، پاکپتن، اوکاڑہ میں بھی آندھی اور گرج چمک کے ساتھ بارش اور بعض مقامات پر تیز، موسلادھار بارش کی توقع ہے اس موسمیاتی نظام کے زیر اثر سکھر اور جیکب آباد میں 27 اور 28 جون کو آندھی اور گرج چمک کے ساتھ بارش کا امکان ہے۔
محکمہ موسمیات نے کہا کہ اس سسٹم کے زیر اثر گرمی کی موجودہ لہر میں کمی کا امکان ہے جب کہ موسلا دھار بارشوں کی صورت میں اربن فلڈنگ کا خدشہ ہے،اس کےعلاوہ پہاڑی علاقوں میں سیلابی صورتحال کا اندیشہ بھی ہے موسلادھار بارش اسلام آباد، راولپنڈی، پشاور، گوجرانوالہ، لاہور کے نشیبی علاقوں میں 26 اور 27 جون کو اربن فلڈنگ کا باعث بن سکتی ہے۔
شانگلہ میں امیرمقام کے قافلے پر فائرنگ
شیری رحمان نے کہا کہ ہے متعلقہ محکموں کوالرٹ رہنےکی ہدایت کی گئی ہے،سیاحوں کو احتیاط برتنےکا مشورہ دیاگیا ہے،مری، گلیات، کشمیر، گلگت بلتستان اورخیبرپختونخوا کےپہاڑی علاقوں میں موسلادھار بارش کے باعث لینڈ سلائیڈنگ کا بھی خدشہ ہےاورڈی جی خان اورشمال مشرقی بلوچستان کےملحقہ علاقوں کےپہاڑی ندی نالوں میں سیلاب کا بھی امکان ہے۔
مسافروں اور سیاحوں کو ہدایت کی جاتی ہےکہ وہ پیش گوئی کی مدت کے دوران کسی بھی ناخوشگوار صورتحال سےبچنے کے لیے محتاط رہیں اس میں کسانوں کو ہدایت دی جاتی ہے کہ وہ موسم کی پیش گوئی کو مدنظر رکھتے ہوئے اپنے زرعی معاملات ترتیب دیں۔
محکمہ موسمیات نے کہا کہ آندھی، جھکٹر، گرج چمک اور شدید بارشوں کے باعث کمزور انفرا اسٹرکچرجیسےبجلی کے کھمبے، سولر پینل وغیرہ کو نقصان پہنچ سکتا ہے اور عوام کو مشورہ دیا جاتا ہے کہ وہ آندھی اور تیز بارش کے دوران محفوظ مقامات پر رہیں۔
