انتہا پسند ہندو گروہ کی سیما حیدر رند کو ملک بدر نہ کرنے تک احتجاج کی دھمکی

بھارت میں انتہا پسند ہندوؤں کے ایک گروہ ”گاؤ رکشا ہندو دَل“ نے پب جی پر محبت کے بعد بھارت جانے والی پاکستانی خاتون سیما حیدر رند کو ملک بدر نہ کرنے تک احتجاج کی دھمکی دی ہے۔

باغی ٹی وی : انڈیا ٹوڈے کے مطابق گاؤ رکشا ہندو دل نے سیما رند کو بھارت چھوڑنے کے لیے 72 گھنٹےکا الٹی میٹم دیا ہےگروہ کے صدر وید نگر نے اپنے ایک ویڈیو بیان میں کہا کہ سیما رند پاکستان کی جاسوس ہو سکتی ہے، جو ممکنہ طور پر قومی سلامتی کے لیے خطرہ بن سکتی ہے،ہم غدار قوم کی عورت کو برداشت نہیں کریں گے۔ سیما حیدر 72 گھنٹے میں ملک سے باہر نہ گئیں تو احتجاج شروع کریں گے۔

حادثات سے بچاؤ میں مدد دینے والاچشمہ تیارکرنیوالی پاکستانی طالبہ ناسا کی دعوت پر امریکا …

30 سالہ سیما غلام حیدر رند اور 25 سالہ سچن مینا نے 2019 میں پب جی پر بات چیت کرتے ہوئے ایک رومانوی رشتہ استوار کیا،اس سال کے شروع میں سیما غیر قانونی طور پر نیپال کے راستے بھارت میں داخل ہوئی اور جوڑے نے گریٹر نوئیڈا کلے علاقے ربو پورہ میں چار بچوں کے ساتھ کرائے کے ایک فلیٹ میں ساتھ رہنا شروع کیااسے 4 جولائی کو نیپال کے راستے بغیر ویزا کے غیر قانونی طور پر ہندوستان میں داخل ہونے پر گرفتار کیا گیا تھا۔ سچن کو بھی اس کی مدد کرنے پر گرفتار کیا گیا تھا۔ تاہم بعد میں دونوں کو ضمانت مل گئی۔

سیما حیدر کے بھارت میں دوبارہ گرفتاری کے امکانات

سیما نے انڈیا ٹوڈے سے بات کرتے ہوئے جاسوس ہونے کے الزامات سے انکار کیا اور کہا کہ ایسی کوئی بات نہیں ہے، حقیقت آخر سامنے آجائے گی۔ اگر یہ سچ ہوتا تو میں اپنے معصوم بچوں کے ساتھ نہیں بلکہ اکیلے ہندوستان آتی۔

اس دوران سیما کے شوہر غلام حیدر نے بھارتی حکومت سے ان کی بیوی اور بچوں کو وطن واپس بھیجنے کی دلی اپیل کی۔ ایک ویڈیو میں، اس نے الزام لگایا کہ ان کی بیوی کو PUBG کے ذریعے بھارت آنے کے لیے لالچ اور جوڑ توڑ کیا گیا دوسری جانب سیما کے دوستوں اور اہل خانہ نے واضح کیا کہ وہ نہیں چاہتے کہ وہ پاکستان واپس آئیں۔

مالک مکان کے 16 سالہ بیٹے نے بتایا جس کے کرائے کے گھر میں سیما گزشتہ تین سالوں سے اپنے بچوں کے ساتھ رہ رہی تھی کہ اسے صرف اپنے بچوں کو پاکستان واپس بھیجنا چاہیے۔ وہ وہاں رہ سکتی ہے۔ اب وہ مسلمان بھی نہیں رہی-

انسانی حقوق کی تنظیم کے ڈائریکٹرکا فرانس میں داخلہ بند