سیمی فائنل میں انگلینڈ کو شکست دیکر میگا ایونٹ کا فائنل کھیلیں گے، بین سمتھ

دفاعی چیمپئن نیوزی لینڈ رگبی ٹیم کے مایہ ناز فل بیک کھلاڑی بین سمتھ نے کہا ہے کہ وہ انگلینڈ کے خلاف سیمی فائنل میچ میں شاندار کارکردگی کا مظاہرہ کریں گے،

ٹوکیو ۔ 24 اکتوبر (اے پی پی) دفاعی چیمپئن نیوزی لینڈ رگبی ٹیم کے مایہ ناز فل بیک کھلاڑی بین سمتھ نے کہا ہے کہ وہ انگلینڈ کے خلاف سیمی فائنل میچ میں شاندار کارکردگی کا مظاہرہ کرتے ہوئے اپنی ٹیم کی فتح میں اہم کردار ادا کرینگے، انہوں نے کہا کہ انکی ٹیم مکمل طور پر متحد ہے اور اس کے حوصلے بلند ہیں، انہوں نے کہا کہ سیمی فائنل میں انگلینڈ کی ٹیم کو شکست دیکر میگا ایونٹ کا فائنل کھیلنے کا اعزاز حاصل کریں گے، رگبی ورلڈ کپ 2019ء کا پہلا سیمی فائنل دفاعی چیمپئن نیوزی لینڈ اور انگلینڈ کی ٹیموں کے درمیانہفتہ کو یوکو ہاما سٹیڈیم میں کھیلا جائے گا،

اپنے ایک بیان میں نیوزی لینڈ ٹیم کے اہم کھلاڑی بین سمتھ نے کہا کہ وہ مکمل طور پر فٹ اور بھرپور فارم میں ہیں اور انگلینڈ کے خلاف سیمی فائنل کیلئے میدان میں اترنے کو بے تاب ہیں۔ انہوں نے کہا کہ وہ سیمی فائنل میں اپنی شاندار کارکردگی کی بدولت اپنی ٹیم کی فتح میں اہم کردار ادا کرینگے۔