سینیٹر عثمان کاکڑ وفات پا گئے. آصف زرداری کا اظہار افسوس
باغی ٹی وی کی رپورٹ کے مطابق پشتونخوا ملی عوامی پارٹی کےسابق سینیٹرعثمان کاکڑ انتقال کرگئے
عثمان کاکڑ کی دماغ کی شریان پھٹ گئی تھی،وہ کراچی کےنجی اسپتال میں زیرعلاج تھے،سابق سینیٹر عثمان کاکڑ کا تعلق بلوچستان کے ضلع قلعہ سیف اللہ سے تھا،عثمان خان کاکڑ پشتونخواملی عوامی پارٹی کے مرکزی سیکریٹری اور صوبائی صدر تھے،سندھ حکومت نے انکا سرکاری سطح پر علاج کا اعلان کیا تھا، ن لیگی رہنماؤں مریم نواز،پی ڈی ایم کے سربراہ مولانا فضل الرحمان سمیت دیگر نے دعائے صحت کی تھی
سینیٹر عثمان کاکڑ کی وفات کی خبر پر فنانس کمیٹی اجلاس میں دعا pic.twitter.com/CdJ0P9OOgM
— Baaghi TV باغی ٹی وی (@BaaghiTV) June 21, 2021
سینیٹر عثمان کاکڑ کی موت کی خبر سینیٹ کی قائمہ کمیٹی برائے فنانس سے نکلی جب قائمہ کمیٹی نے دوران اجلاس سینیٹر عثمان کاکڑ کی مغفرت کے لئے دعا کی اور ویڈیو میڈیا کو جاری کر دی اجلاس میں سینیٹر عثمان کاکڑ کی مغفرت کی دعا کی گئی اس موقع پر چیئرمین کمیٹی سینیٹر محمد طلحہ محمود بھی موجود تھے۔
سابق صدر آصف علی زرداری نے سابق سینیٹر عثمان کاکڑ کے انتقال پر اظہار افسوس کیا اور کہا کہ سینیٹر عثمان کاکڑ بلوچستان کے عوام کے وکیل تھے عثمان کاکڑ نے پارلیمان میں بلوچستان کے عوام کی نمائندگی کی
