اسلام آباد(محمد اویس) جنرل الیکشن 2024میں کامیاب ہونے والے سینیٹرز سینیٹ اجلاس میں شرکت کرسکتے ہیں یا نہیں سوال نے سب کو آزمائش میں ڈال دیا –
باغی ٹی وی: ذرائع کے مطابق ایک جماعت نے اپنے سینیٹر کو اجلاس میں شرکت کرنے سے منع کر دیا،آئین واضح ہے اجلاس میں شرکت کرنے سے جیتی ہوئی نشست خالی قرار دی جاسکتی ہے سینیٹ کا اجلاس پیر کو 3 بجے بلایا گیا ہے جبکہ سینیٹ کے چیئرمین صادق سنجرانی،سینیٹر یوسف رضا گیلانی،سینیٹر عبدالغفور حیدری سینیٹر پرنس عمر،سینیٹر سرفراز بگٹی جنرل الیکشن میں صوبائی اور قومی اسمبلی کی نشستوں پر جیت گئے ہیں جبکہ سب کا نوٹیفکشن بھی الیکشن کمیشن نے جاری کردیا ہے۔
آئین کا آرٹیکل 223 واضح ہے جو کہتا ہے کہ ایک وقت میں ایک بندہ دو ایوانوں کا ممبر نہیں ہوسکتا ہے آئین کے آرٹیکل 223 کی وجہ سے ذرائع نے بتایا ہے کہ ایک سیاسی جماعت نے اپنے سینیٹر کو سینیٹ اجلاس میں شرکت کرنے سے روک دیا ہے کہ اس وجہ سے جیتی ہوئی نشست خالی قرار نہ دی جائے کہ نوٹیفکشن ہونے کے بعد سینیٹ میں شرکت کیوں کی-
