یروشلم : امام کعبہ کی طرف سےخطبہ جمعہ میں اسرائیل کے ساتھ تعلقات کی استواری کے اشارے:یروشلم پوسٹ کادعویٰ :اچھا پیغام نہیں:اطلاعات کے مطابق پاکستان کے سنیئر صحافی تجزیہ نگار،خلیج ،مشرق وسطیٰ کے امورکے ماہرمبشرلقمان کہتے ہیں کہ یروشلم پوسٹ کا یہ دعویٰ کہ امام کعبہ عبدالرحمن السدیس اسرائیل سے تعلقات کی بحالی کے اشارے دے چکے ہیں ، مبشرلقمان کہتے ہیں کہ اگریہ دعویٰ درست ہے تو یہ اچھا پیغام نہیں ہے ،
یروشلم پوسٹ کا کہنا ہے کہ گزشتہ روز جمعے کے خطبے میں کچھ ایسی باتیں کہہ دیں جن کی وجہ سے سوشل میڈیا پر لوگ بہت زیادہ برہم ہیں اور ان کی باتوں کو ریاض اور تل ابیب کے درمیان تعلقات کی استواری کی راہ ہموار کرنے کی کوشش بتا رہے ہیں۔ ان کے خطبۂ جمعہ کے ایک حصے پر، جس میں یہودیوں کے ساتھ تعاون اور لین دین کی بات کی گئي ہے، بہت زیادہ سوالات اٹھائے جا رہے ہیں اور ان کی بہت زیادہ تنقید ہو رہی ہے۔
ذرائع کے مطابق عبدالرحمن السدیس نے مسجد الحرام میں اپنے خطبۂ جمعہ میں کہا تھا کہ لوگ انفرادی اور عالمی تعلقات میں قلبی عقیدے اور عملی رویے کو صحیح طریقے سے سمجھ نہیں پاتے۔
السديس تحدث في خطبته عن أهمية التطبيع مستشهداً بأدلة بعيدة عن معناها و مضللة ولم يتحدث عن حرق المساجد و المصاحف و إساءة لنبينا الكريم في أوروبا قلنا لكم و لا زلنا نقول أنتم مجرد دمى أمريكية صهيونية لعنكم الله و حشركم معهم #السديس #التطبيع_خيانة #إلا_رسول_الله pic.twitter.com/lWfNWCGwab
— محمد 🇩🇿مستور 🇵🇸 (@DjilaMestour) September 5, 2020
یروشلم پوسٹ کا دعویٰ ہے کہ امام کعبہ عبدالرحمن السدیس نے خطبہ جمعہ میں کہا ہے کہ کسی غیر مسلمان سے محبت نہ کرنے کا مطلب یہ نہیں ہے کہ اس کے ساتھ اچھا رویہ اختیار نہ کیا جائے اور دین اسلام کی طرف اس کی رہنمائي کے لیے اس کی دلجوئي نہ کی جائے۔
یروشلم پوسٹ کا یہ بھی دعویٰ ہے کہ اس خطبہ میں امام کعبہ نے کہا کہ پیغمبر اسلام صلی اللہ علیہ و آلہ و سلم بھی یہودیوں کے ساتھ اچھا برتاؤ کرتے تھے۔ سوشل میڈیا پر لوگوں کا کہنا ہے کہ امام کعبہ شیخ عبدالرحمان السدیس اس طرح کی باتیں کر کے سعودی عرب اور صیہونی حکومت کے درمیان تعلقات کے قیام کی راہ ہموار کرنے کی کوشش کر رہے ہیں۔
سنیئرصحافی مبشرلقمان کہتے ہیں کہ اگریروشلم پوسٹ اپنے دعوے پرقائم ہے تویہ سعودی عرب کے سرکاری بیانیے اوراسلامی نظریاتی پہلو کی حمایت کرنے والوں کے لیے پریشان کن ہے
