پاکستانی نژاد کینیڈین یوٹیوب اسٹار شام ادریس نے اپنی دس سالہ بیٹی دعا ادریس کو اب تک سوشل میڈیا سے دور رکھنے کی وجہ بیان

پاکستانی نژاد کینیڈین یوٹیوب اسٹار شام ادریس حال ہی میں ایک ویڈیو میں اپنی پہلی اہلیہ سے ہونے والی بیٹی دعا ادریس کو سامنے لے آئے جس پر سوشل میڈیا صارفین کا فی حیرانی میں مبتلا ہیں-

باغی ٹی وی : شام ادریس نے گزشتہ برس اپنی دوست سحر عرف فروگی سے شادی کی تھی اور رواں برس ان کے ہاں بیٹی کی پیدائش ہوئی تھی جس کا نام انہوں نے سیرا ادریس رکھا تھا دونوں نے انسٹاگرام پر اپنی بیٹی کے نام سے اکاؤنٹ بنایا تھا جسے ایک لاکھ سے زائد افراد فالو کررہے ہیں۔

ان کی بیٹی سیرا اور اہلیہ سحر یوٹیوب چینل پر جاری ہونے والے وی لاگز میں موجود ہوتی ہیں لیکن حال ہی میں ایک ویڈیو میں شام ادریس نے اپنی پہلی اہلیہ سے ہونے والی 10 سالہ بیٹی دعا ادریس کو سامنے لے آئے۔

حال ہی میں یو ٹیوب پر جاری ویڈیو میں شام ادریس نے انکشاف کیا کہ انہوں نے 2010 میں اپنا یوٹیوب کیرئیر شروع کرنے سے پہلے شادی کی تھی۔

شام ادریس نے کہا کہ 2010 میں میں 19 یا 20 برس کا تھا میں نہیں جانتا تھا کہ میں کیا کررہا ہوں لیکن میں نے شادی کرنے کا فیصلہ کیا لیکن وہ شادی زیادہ عرصہ نہیں چل سکی اور چند مہینوں میں ہم نے اپنے راستے الگ کرنے کا فیصلہ کیا۔

اس کے ساتھ ہی شام ادریس نے بتایا کہ کچھ ماہ بعد مجھے معلوم ہوا کہ میرے ہاں بچے کی پیدائش ہونے والی ہے اور ستمبر 2010 کو میری بیٹی پیدا ہوئی تھی۔

شام ادریس نے اپنی ویڈیو میں دعا ادریس کو اب تک سوشل میڈیا سے دور رکھنے کی وجہ بیان کرتے ہوئے کہا کہ جب میں نے وی لاگنگ شروع کی تب میری بیٹی 6 سال کی تھی اور میں نے اسے سوشل میڈیا سے مکمل طور پر دور رکھنے کا فیصلہ کیا۔ ۔

یوٹیوب اسٹار کا کہنا تھا کہ اب ہم نے اس کی 10ویں سالگرہ منائی ہے میں جانتا ہوں کہ 10 سال کافی کم عمر ہے لیکن میں نے اسے آپشن دیا ہے اور پوچھا ہے کہ کیا وہ اس انڈسٹری کا حصہ بننا چاہتی ہے جس پر وہ بہت پُرجوش ہے۔
https://www.instagram.com/p/CFg5u3PFL-v/?utm_source=ig_embed
شام ادریس کی بیٹی دعا ادریس نے اپنا یوٹیوب چینل اور انسٹاگرام پر پبلک اکاؤنٹ بھی بنایا ہے اور دونوں پر ان کے 30 ہزار سے زائد فالوورز ہیں اپنے یوٹیوب چینل کے علاوہ اب دعا ادریس، شام ادریس کے وی لاگز میں سحر اور سیرا کے ساتھ موجود ہوتی ہیں۔
https://www.instagram.com/p/CFpgc9IlyD9/