شان کی ایکشن تھرلر فلم ضرارکا نیا ٹیزر ریلیز

پاکستان شوبز اندسٹری کے سپر اسٹار شان کی ایکشن تھرلر فلم ضرارریلیز ہونے کی خبریں گذشتہ سال سے سامنے آ رہیں تھیں تاہم پچھلے سال نہ تو فلم ریلیز ہوئی اور نہ ہی فلم کا کوئی ٹیزر یا ٹریلر سامنے آسکا تاہم رواں سال جنوری میں ضرار کی پہلی جھلک سامنے آئی اور اب اس کا دوسرا ٹیزر بھی ریلیز کر دیا گیا ہے

باغی ٹی وی :شان شاہد اور کرن ملک کی فلم ضرارایک منٹ پانچ سیکنڈ دورانیے کا نیا ٹیزرریلیز کر دیا گیا جس میں کرن ملک اور فلم کے چند کرداروں کو انتہائی مختصر وقت کے لیے دکھایا گیا ہے فلم کی کہانی دہشت گردی کے خلاف جنگ میں پاکستانی کردار کے گرد گھومتی ہے

ٹیزر میں ماڈل آف دی ایئر کا ایوارڈ جیتنے والی اداکارہ کرن ملک کے کردار کو دکھایا گیا ٹریلر کا آغاز ایک خاتون کی آواز کے ساتھ ہوتا ہے جس میں وہ کہتیں سنائی دیتیں ہیں سچ ایک جرنلسٹ کا پہلا رشتہ ہوتا ہے کرن ملک اس ٹیزر میں کہتیں نظر آتیں ہیں کہ میں کروں گی اس سچ کا سفر کیونکہ یہ میری ذمہ داری ہے

ٹیزر کے آخر میں دیکھا جا سکتا ہے خاتون پر تشدد کیا جاتا ہے اور ایک آوز سنائی دیتی ہے کہ جھوٹ تمھیں زندہ زندہ نہیں رہنے دے گا اور سچ تمھیں کبھی مرنے نہیں دے گا

واضح رہے کہ ضرار کی کہانی خود شان نے لکھی ہے جبکہ اس کی ہدایات بھی انہوں نے خود ہی دی ہیں اور فلم میں اہم کردار بھی ادا کرتے دکھائی دیں گے جب کہ ان کے علاوہ فلم کی دیگر کاسٹ میں ندیم، نیر اعجاز اور کرن ملک جیسے اداکار شامل ہیں اور خیال کیا جا رہا ہے کہ فلم کو رواں برس عیدالفطر کے موقع پر ریلیز کیا جائے گا