پاکستان کے نامور اداکار شان شاہد کی فلم ’ضرار‘ کا پہلا ٹریلر سامنے آگیا جس میں اداکار بھرپور ایکشن میں نظر آئے
باغی ٹی وی : پاکستان کے نامور اداکار شان شاہد کی فلم ’ضرار‘ کا پہلا ٹریلر سامنے آگیا جس میں اداکار بھرپور ایکشن میں نظر آئے اداکار نے مداحوں کے لیے فلم کا ٹریلر یوم پاکستان کے موقع پر تحفے کے طور پر جاری کیا
ٹریلر شیئر کرتے ہوئے انہوں نے لکھا کہ کورونا کے باعث گھروں میں رہیں اور اس ٹریلر سے محظوظ ہوں
3 منٹ 34 سیکنڈ دورانیے کے اس ٹریلر میں شان شاہد کو ضرار نامی کردار میں پیش کیا گیا، جو انٹر سروسز انٹیلی جینس سے جڑے ہوئے ہیں
فلم میں ایک ایسی دنیا کی کہانی پیش ی گئی ہےجہاں جنگ کبھی ختم نہیں ہوتی وہاں شان شاہد کا کا کردار ضرار امن کی تلاش میں نظر آیا
اس فلم میں کرن ملک شان شاہد کے ہمراہ رومانوی کردار میں نظر آئیں ندیم بیگ بھی فلم میں اہم کردار نبھاتے نظر آئیں گے جبکہ نیئر اعجاز منفی کردار نبھاتے نظر آئیں گے
فلم کی کہانی خود شان شاہد نے تحریر کی ہے
فلم کی ریلیز کی تاریخ کا تاحال اعلان نہیں کیا گیا لیکن امید کی جا رہی ہے کہ فلم عید الفطر کے موقع پر ریلز کی جائے گی
