شان شاہد کا سافٹ وئیر کس نے اپڈیٹ کر دیا ؟

اداکار اور ڈائریکٹر شان شاہد نے چند روز قبل منی بیک گارنٹی کی دھلائی کر دی اور کہا کہ فلم یوفون کا کمرشل ہے اور باقاعدہ یہ بھی کہا کہ پرڈیوسرز کو چاہیے کہ وہ ایسے ڈائریکٹر کا انتخاب کریں فلم بنانے کےلئے جن کو تجربہ ہو ، انہوں نے جب یہ بیان دیا اس کے بعد ان کو شدید تنقید کا نشانہ بنایا اور کہا گیا کہ بھئی خود تو فلاپ فلمیں‌ بناتے ہیں اور دوسروں کو باتیں کرتے ہیں، شان کو جب ہر طرف سے بہت زیادہ تنقید کا سامنا کرنا پڑا تو انہوں نے یوٹرن لے لیا. اور ایک ٹویٹ کرکے اس میں لکھا ہے کہ پاکستانی فلموں کو سپورٹ کریں‌سب فلمیں ہماری ہیں ، ہمیں ان کو

سپورٹ کرنا ہے ، ٹویٹ کے آخر میں انہوں نے ہیش ٹیگ کے ساتھ منی بیک گارنٹی اور ہوئے تم اجنبی لکھا. شان کی اس ٹویٹ پر ان کو ایک بار پھر تنقید کا سامنا کرنا پڑا اور سوشل میڈیا صارفین نے سوشل میڈیا پر ڈسکشن شروع کر دی اور کہنا شروع کر دیا کہ شان شاہد کا سافٹ وئیر کس نے اپڈیٹ کر دیا ہے جو وہ منی بیک گارنٹی اور ہوئے تم اجنبی کے حق میں بول رہے ہیں.کہا جا رہا ہے کہ شان شاہد نے خود پر ہونے والی تنقید کے بعد خود ہی یوٹرن لے لیا ہے.