شب برات سے قبل قبرستانوں اور اطراف بلدیاتی انتظام مکمل کیا جائے ،ڈپٹی کمشنر کورنگی شہریار گل

تفصیلات کے مطابق ایڈمنسٹریٹر وڈپٹی کمشنر کورنگی شہریار گل نے خصوصی احکامات جاری کئے اور بلدیہ کورنگی شب برات کے حوالے سے بلدیاتی انتظامات کو مزید تیز کردیا ،بلدیہ کورنگی کی جانب سے ضلع کورنگی کی حدود میں قائم قبرستانوں کے اطراف آمد و رفت کے راستوں پر اسٹریٹ لائٹس کی درستگی کو یقینی بنا یا جارہا ہے۔ علاوہ ازیں شہریار گل نے بلدیہ کورنگی کے متعلقہ محکموں کو ہدایت کی ہے کہ شب برات سے قبل قبرساتوں میں صفائی وستھرائی اور روشنے کے انتظامات سمیت دیگر بلدیاتی انتظامات کو مکمل کیا جائے شب برات پر قبرستان اپنے پیاروں کے قبروں پر آنے والے زائرین کو ہر ممکن سہولت فراہمی کیا جائے بلدیہ کورنگی شاہ فیصل ،ملیر ماڈل ،کورنگی اور لانڈھی زونز میں شب برات کے حوالے سے قبرستانوں اور مساجد و امام بارگاہوں کے اطراف روشنی کے انتظامات کی بہتری کے لئے اسٹریٹ لائٹس کی درستگی کے ساتھ روشنی کے خصوصی انتظامات کئے جارہے ہیں اور بلدیہ کورنگی کا کہنا ہے کہ شب برات سے قبل تمام تر انتظامات مکمل کرلیئے جائینگے ۔