چیئرمین ایف بی آر شبرزیدی کی چھٹی ہوگئی :اگلے چیئرمین کون ہوں گے ،نام فائنل مگرتعیناتی تک خفیہ رکھا جائے گا

اسلام آباد: چیئرمین ایف بی آر شبرزیدی کی چھٹی ہوگئی :اگلے چیئرمین کون ہوں گے ،نام فائنل مگرتعیناتی تک خفیہ رکھا جائے گا،باغی ٹی وی کےمطابق چیئرمین ایف بی آرشبرزیدی کی چھٹی کرادی گئی ہے اور حسب روایت پہلے بیماری کا بہانہ رچایا جاتا ہے اورپھرچھٹی کا پروانہ تھایا جاتا ہے،

باغی ٹی وی ذرائع کےمطابق شبرزیدی کی چھٹی کی تصدیق دھیرے دھیرے مشیرخزانہ ڈاکٹرعبد الحفیظ شیخ نے اپنے دبے دبے لفظوں میں کردی ہے، باغی ٹی وی چیئرمین ایف بی آر کی چھٹی بذریہ چٹھی کی خبرپہلے ہی شائع کرچکا ہے

ادھر اس حواے سے مشیر خزانہ عبدالحفیظ شیخ نے کہا کہ شبر زیدی میرے فیورٹ ہیں،ان کی طبعیت خراب ہے اور وہ لمبی چھٹیوں پر ہیں، اگر ان کی طبعیت بہتر نہ ہوئی تو ان کا متبادل دیکھیں گے۔مشیر خزانہ کا کہنا تھا کہ نیا چیئرمین ایف بی آر اگر تلاش کیا تو شبر زیدی کی مشاورت سے کریں گے۔

اس سے قبل فیڈرل بورڈ آف ریونیو (ایف بی آر) کے چیئرمین شبر زیدی نے اے آر وائی نیوز سے گفتگو کرتے ہوئے کہا تھا کہ انہوں نے اپنے عہدے سے استعفیٰ نہیں دیا ہے۔ شبر زیدی کا کہنا تھا کہ ان کی طبیعت خراب ہے اور اس لیے وہ عارضی طور پر ذمہ داریاں نہیں سنبھال رہے۔

یاد رہے کہ گزشتہ دنوں یہ خبر سامنے آئی تھی کہ شبر زیدی نے کام جاری رکھنے سے معذرت کرلی ہے، ذرائع کی جانب سے کہا گیا تھا کہ شبر زیدی نے صحت کی خرابی کے باعث عہدہ چھوڑا اور اپنے فیصلے سے اعلیٰ حکام کو آگاہ کر دیا ہے۔