اخوت اس کو کہتے ہیں‌ ! شاداب خان کا میچ فیس زلزلہ متاثرین کو عطیہ کرنے کا اعلان

لاہور : اخوت اس کو کہتے ہیں ! پاکستانی کبھی بھی مشکل وقت میں اپنے پاکستانی بھائیوں‌کو تنہا نہیں چھوڑتے اور اگر کشمیر ی مسلمانوں کو کوئی تکلیف پہنچے تو پاکستانی اور بھی بے چین ہوجاتے ہیں ، ایسے ہی قومی ٹیم کے نوجوان آل راؤنڈر شاداب خان نے سری لنکا کے خلاف سیریز کی میچ فیس پاکستان میں آنے والے زلزلے کے متاثرین کو عطیہ کرنے کا اعلان کردیا۔

ٹوئٹر پر اپنے پیغام میں شاداب خان نےکہا کہ میں سری لنکا کے خلاف سیریز کی میچ فیس پاکستان میں زلزلہ متاثرین کو عطیہ کرنے کا اعلان کرتا ہوں۔انہوں نے کہا کہ ہمیں اس مصیبت کے وقت میں اپنے بہن بھائیوں کی مدد کرنے کی ضرورت ہے۔شاداب خان کے ساتھ ساتھ پاکستان کے تجربہ کار آل راؤنڈر محمد حفیظ نے بھی زلزلے پر افسوس اور متاثرین زلزلہ کے اہلخانہ سے گہرے دکھ و افسوس کا اظہار کیا۔

Very tragic news about the earthquake, please help the affected people wholeheartedly. My prayers are with everyone affected and victims. May Allah bless us all🤲

— Shahid Afridi (@SAfridiOfficial) September 24, 2019

اپنے باقی کرکٹ ساتھیوں کی طرح پاکستان قومی ٹیم کے سابق کپتان شاہد خان آفریدی نے بھی زلزلے پر افسوس کا اظہار کرتے ہوئے کہا کہ عوام سے دل کھول کر متاثرین کی مدد کرنے کا مطالبہ کیا اور کہا کہ میری دعائیں متاثرہ افراد اور ان کے اہلخانہ کے ساتھ ہیں۔

یاد رہےکہ بدھ کو آزاد کشمیر سمیت پنجاب اور خبیرپختونخوا کے مختلف شہروں میں شدید زلزلے کے نتیجے میں کم ازکم 23 افراد جاں بحق اور 300 سے زائد شہری زخمی ہو گئے تھے۔امریکی جیولوجکل سروے کے مطابق سہ پہر 4 بجے آنے والے زلزلے کی شدت 5.8 تھی اور اس کی گہرائی 10 کلومیٹر تھی، اور اس کا مرکز جہلم کے شمال میں آزاد کشمیر اور پنجاب کو جدا کرنے والی سرحد سے 22 اعشاریہ 3 کلومیٹر دور تھا۔۔