شاہ محمود قریشی کا بابو سرٹاپ بس حادثے پر گہرے رنج و غم کا اظہار

وزیرخارجہ شاہ محمودقریشی نے بابو سر پاس بس حادثے پر انتہائی دکھ اور رنج کا اظہار کیا ہے،

باغی ٹی وی کی رپورٹ کے مطابق شاہ محمود قریشی نے کہاکہ وزیر خارجہ کی طرف سے جاں بحق ہونیوالوں کیلیے دعائے مغفرت اور زخمیوں کیلیے جلد صحت یابی کی دعا کی گئی ہے، وزیر خارجہ شاہ محمود قریشی نے حادثے کا شکار ہونے والے مسافروں کے اہل خانہ سے اظہارتعزیت کیا ہے،

واضح‌ رہے کہ سیاحتی مقام بابو سر ٹاپ کے قریب مسافر کوچ کو پیش آنے والے حادثے میں جاں بحق افراد کی تعداد 27 ہو گئی ہے جس میں پاک فوج کے 10 جوان بھی شامل ہیں، مقامی پولیس کے مطابق اسکردو سے راولپنڈی جانے والی تیز رفتار مسافر کوچ موڑ کاٹتے ہوئے بابو سر ٹاپ کے قریب گٹی داس کے مقام پر پہاڑ سے ٹکرا گئی، پولیس کے مطابق حادثے میں خواتین اور بچوں سمیت 26 افراد جاں بحق اور 15 زخمی ہوئے ہیں، حادثے میں جاں بحق افراد کی لاشوں اور زخمیوں کو چلاس کے اسپتال منتقل کر دیا گیا ہے،