شہبازشریف مشکل میں، نواز شریف سے جیل میں ملیں یا شاہد خاقان عباسی سے

قومی اسمبلی میں قائد حزب اختلاف شہباز شریف کل جمعرات کو سابق وزیراعظم نواز شریف یا شاہد خاقان عباسی سے ملاقات کریں گے

باغی ٹی وی کی رپورٹ کے مطابق شہباز شریف کل جمعرات کو اسلام آباد جائیں گے اور اپوزیشن جماعتوں کے پارلیمانی پارٹی کے اجلاس کی صدارت کریں گے، شہباز شریف کا اسلام آباد جانا ڈاکٹر کی اجازت سے مشروط ہے، شہباز شریف اگر اسلام آبا دگئے تو سابق وزیراعظم شاہد خاقان عباسی سے ملاقات کرین گے جنہیں نیب نے گرفتار کر رکھا ہے.

شہباز شریف، حمزہ، مریم،رانا ثناءاللہ کے مقدمات کی سماعت کرنیوالے ججز کا ہوا تبادلہ

مسلم لیگ ن کے رہنما مرتضیٰ جاوید عباسی کا میڈیا سے گفتگو میں کہنا تھا کہ شہباز شریف کو ڈاکٹرز نے اجازت دی تو وہ جمعرات کواسلام آباد آئیں گے۔ ان کی شاہد خاقان عباسی سے ملاقات کا امکان ہے اور اپوزیشن کے اجلاس کی صدارت کرینگے۔

اگر شہباز شریف اسلام آباد نہ گئے تو کوٹ لکھپت جیل میں انکی نواز شریف سے ملاقات کا امکان ہے، نواز شریف کوٹ لکھپت جیل میں العزیزیہ ریفرنس کیس میں سات برس قید کی سزا کاٹ رہے ہین،نواز شریف سے ملاقات کا دن جمعرات کو مقرر ہے،قومی اسمبلی میں قائد حزب اختلاف شہباز شریف کا کہنا ہے کہ سیاسی مخالفت پر صحت کی سنگین صورتحال سے دوچار شخص سے علاج چھیننا قتل کی سازش ہے نوازشریف کو ایمبولنس دینے سے انکار کی خبر انتقام کا واضح ثبوت ہے ،نوازشریف کے معالج ڈاکٹر عدنان نے چیف سیکریٹری پنجاب کو خط لکھا