باغی ٹی وی کی رپورٹ کے مطابق احتساب عدالت لاہورنے شہباز شریف خاندان کے خلاف منی لانڈرنگ ریفرنس کا تحریری حکم جاری کر دیا
احتساب عدالت کے جج جواد الالحسن نے 2 صفحات پر مشتمل تحریری حکم نامہ جاری کیا، تحریری حکم میں کہا گیا کہ نیب کی جانب سے اسپیشل پراسیکیوٹر عثمان راشد چیمہ اور عاصم ممتاز پیش ہوئے،ملزم سلمان شہباز کے ناقابل ضمانت وارنٹ گرفتاری جاری کئے گئے ہیں،ریکارڈ کے مطابق سلمان شہباز بیرون ملک ہیں ،شہباز شریف کے داماد ہارون یوسف کے قابل ضمانت وارنٹ گرفتاری جاری کئے گئے ہیں
تحریری حکم میں مزید کہا گیا ہے کہ منی لانڈرنگ ریفرنس میں نامزد علی احمد خان کے قابل ضمانت وارنٹ گرفتاری جاری کئے گئے ہیں،شریک ملزم طاہر نقوی بیرون ملک ہیں ،ملزم کے وانٹ گرفتاری جاری ہوئے ہیں،نیب تفتیشی کے مطابق نصرت شہباز اور بیٹیوں کے خلاف ثبوت ہیں ،نصرت شہباز،رابعہ عمران اور جویریہ علی کے طلبی کے لیے سمن جاری کئے گئے ہیں،شہباز شریف سمیت دیگر تمام ملزمان 10 ستمبر کو عدالت میں پیش ہوں ،
نیب کا مؤقف ہے کہ شریف فیملی کی منی لانڈرنگ اور بے نامی کمپنیاں’ پچپن کے‘ نامی دفتر سے چلتی تھیں۔ قومی احتساب بیورو کی معلومات کے مطابق 2008 سے 2018 تک شہباز شریف خاندان کے چار ارکین کے اثاثوں میں چار سو پچاس فیصد جبکہ صرف سلمان شہباز کے اثاثوں میں نو سو فیصد اضافہ ہوا۔ 2009 میں شریف فیملی کے اثاثے اڑسٹھ کروڑ، تینتیس لاکھ سینتیس ہزار تھی جبکہ 2018 تک اثاثوں کی مالیت تین ارب اڑسٹھ کروڑ پندرہ ہزار روپے تک پہنچ چکی تھی۔
یہ تشریح کہاں سے آئی کہ ملزم کو گرفتارکرنے سے پہلے بتایا جائے ،حمزہ شہباز کیس میں عدالت کے ریمارکس
نیب کی گاڑی میں حمزہ شہباز کا عدالت جانے سے انکار
پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے
شہباز شریف کو لائف ٹائم ایوارڈ برائے کرپشن دیا جائے: شہباز گل
حمزہ شہباز کے پروڈکشن آرڈر کے خلاف درخواست دائر
دستاویزات کے مطابق 2008 میں سلمان شہباز کے کل اثاثوں کی مالیت اٹھائیس کروڑ چوبیس لاکھ روپے تھی جو نو سو فیصد اضافے کے بعد 2018میں دو ارب چونتیس کروڑ چھیانوے لاکھ روپے ہو گئے ہیں۔ حمزہ شہباز کے اثاثوں میں دس سال کے دوران تقریباً سو فیصد اضافہ ہوا۔ دستاویزات کے مطابق دس سال پہلے حمزہ شہباز کے اثاثوں کی مالیت اکیس کروڑ بارہ لاکھ روپے تھی جو اب اکتالیس کروڑ اکہتر لاکھ روپے ہوگئی ہے۔ نصرت شہباز کے اثاثے بھی دس سالوں میں تیرہ کروڑ سے بڑھ کر تئیس کروڑ روپے ہو گئے ہیں۔ شہباز شریف کے اثاثے 2008 میں پانچ کروڑ پچپن لاکھ تھے جو اب چھ کروڑ چونسٹھ لاکھ ہو گئے ہیں۔
واضح رہے کہ رمضان شوگر ملز کیس میں نیب نے حمزہ شہباز کو گرفتار کر رکھا ہے، حمزہ شہباز جسمانی ریمانڈ پر نیب کے حوالے ہیں، لاہور ہائیکورٹ کی جانب سے ضمانت کی درخواست مسترد ہونے پر نیب نے حمزہ شہباز کو گرفتار کیا تھا
