![ISPR](https://baaghitv.com/wp-content/uploads/2023/07/Screenshot-2023-07-03-at-18-05-39-تربت-میں-شہید-ہونے-والے-میجرثاقب-اورنائیک-باقرعلی-کی-نمازجنازہ-ادا-کردی-گئی.png)
تربت میں شہید ہونے والے نوجوانوں کو آبائی علاقوں میں فوجی اعزاز کیساتھ سپردخاک کردیا گیا جبکہ آئی ایس پی آر کی طرف سے جاری اعلامیہ کے مطابق گزشتہ شب جنوبی بلوچستان کے علاقے ہوشاب میں سیکیورٹی فورسز اور دہشتگردوں میں ایک فائرنگ کا تبادلہ پیش آیا تھا جس میں دو نوجوان شہید ہوگئے تھے جبکہ شہید ہونے والے میجر ثاقب اور نائیک باقر علی کی نماز جنازہ پہلے تربت اور پھر ان کے آبائی علاقوں میں ادا کی گئی اور دونوں کی نمازجنازہ میں حاضرو ریٹائرڈ افسران، جوانوں سمیت ان کے اہل خانہ نے شرکت کی۔
تربت میں شہید ہونے والے میجرثاقب اور نائیک باقرعلی کو نماز جنازہ کے بعد آبائی علاقوں میں فوجی اعزاز کے ساتھ سپرد خاک کردیا گیا۔#BaaghiTV #Pakistan @OfficialDGISPR #PakistanArmy pic.twitter.com/ZXw7anQgj5
— Baaghi TV باغی ٹی وی (@BaaghiTV) July 3, 2023
آئی ایس پی آر کا بتانا ہے کہ جرات اور بہادری سے لڑتے ہوئے شہید ہونے والے 31 سالہ میجر ثاقب حسین کو سانگھڑ جب کہ 26 سالہ نائیک باقرعلی کو دادو میں سپرد خاک کیا گیا ہے اور میجر ثاقب حسین نے سوگواران میں والدین اور بیوہ چھوڑی ہے، جب کہ نائیک باقر علی نے سوگواران میں تین سالہ بیٹی اور بیوہ چھوڑی ہے۔
آئی ایس پی آر کے مطابق جنوبی بلوچستان میں دہشت گردوں نے سیکیورٹی فورسز کی کمبیٹ پیٹرول پارٹی پر گھات لگا کر حملہ کیا، اس دوران شدید فائرنگ کے تبادلے میں میجر ثاقب حسین اور نائیک باقر علی نے جام شہادت نوش کیا جبکہ میجر ثاقب اور ان کی ٹیم نے آخری سانس تک چھپ کر حملہ کرنے والے دہشت گردوں کا ڈٹ کر مقابلہ کیا اور ہمت نہ ہاری، اسی اثناء میں میجر ثاقب حسین اور نائیک باقر علی کو گولیاں لگیں، جس سے وہ جانبر نہ ہو سکے۔
مزید یہ بھی پڑھیں؛
پاکستان کو آئی ایم ایف سے نو ماہ میں 3 ارب ڈالر ملیں گے. وزیر اعظم
امریکا کے شہر ہیوسٹن میں پہلی عالمی اردو کانفرنس کا انعقاد
کسی بھی ناخوشگوار واقعے سے نمٹنے کے لئے پشاور پولیس کا موک ایکسر سائز جاری
آئی ایس پی آر کا یہ بھی کہنا تھا کہ پاک فوج ہر قیمت پر مادر وطن کے دفاع کیلئے پرعزم ہے، ہمارے تمام شہداء بشمول میجر ثاقب حسین اور نائیک باقر علی شہید کی وطن عزیز کے دفاع کی خاطر دی گئی قربانیاں رائیگاں نہیں جائیں گی۔