سعد فاروق
پاکستان کرکٹ ٹیم کے سابق کپتان شاہد خان آفریدی نے آزاد جموں و کشمیر کے لائن آف کنٹرول (ایل او سی) پر واقع لیپہ ویلی کا دورہ کیا، جہاں انہوں نے یادگارِ شہداء پر حاضری دی اور مقامی افراد سے ملاقاتیں کیں۔
باغی ٹی وی کے مطابق سوشل میڈیا پر شاہد آفریدی کی اس دورے کی ویڈیوز تیزی سے وائرل ہو رہی ہیں جن میں انہیں علاقے کے حالات کا جائزہ لیتے ہوئے دیکھا جا سکتا ہے۔دورے کے دوران شاہد آفریدی نے کشمیری عوام کی پاک فوج کے ساتھ یکجہتی اور قربانیوں کو سراہتے ہوئے کہا کہ میں پاکستانی قوم کی طرف سے کشمیری بھائیوں کا شکریہ ادا کرنے آیا ہوں۔ بھارتی جارحیت کے باوجود آپ نے پاک فوج کا ساتھ دیا۔ افواجِ پاکستان ہمیشہ امن کی خواہاں رہی ہے، لیکن وطن کے دفاع کے لیے اقدام اٹھانا کبھی کبھار مجبوری بن جاتا ہے۔”
انہوں نے کہا کہ کشمیری عوام امن، محبت اور انسانیت سے جڑے ہوئے لوگ ہیں، اور ظلم کے خلاف ان کی قربانیاں قابلِ تحسین ہیں۔ شاہد آفریدی کا کہنا تھا:جہاں انسانیت پر ظلم ہو، وہی اصل دہشت گردی ہے۔ انسانیت سب سے بڑا مذہب ہے۔ مقبوضہ کشمیر کے عوام آج بھی حقِ خود ارادیت کے لیے اپنی جانوں کے نذرانے دے رہے ہیں۔”
شاہد آفریدی نے امید ظاہر کی کہ وہ دن دور نہیں جب کشمیر کی آزادی کا سورج طلوع ہوگا، اور کشمیری عوام کو اپنے مستقبل کے فیصلے کا حق حاصل ہوگا۔ انہوں نے عالمی برادری سے مطالبہ کیا کہ وہ مقبوضہ کشمیر میں جاری مظالم بند کروانے میں مؤثر کردار ادا کرے۔انہوں نے آزاد کشمیر میں نوجوانوں کے ٹیلنٹ کی تعریف کرتے ہوئے کہا”یہاں بے پناہ ٹیلنٹ موجود ہے، جو بدقسمتی سے ضائع ہو رہا ہے۔ ضرورت اس بات کی ہے کہ آزاد کشمیر حکومت کرکٹ اکیڈمی قائم کرے تاکہ اس ٹیلنٹ کو محفوظ کیا جا سکے۔
پیر عادل: یورو ویگن کی ٹکر سے بچی شدید زخمی، حالت تشویشناک
کراچی میں شدید گرمی کے دوران 14 گھنٹے تک کی لوڈشیڈنگ، شہری پریشان
