شاہد خاقان عباسی کے ریمانڈ میں ایک بار پھر ہوئی توسیع، کتنی؟

شاہد خاقان عباسی کے ریمانڈ میں ایک بار پھر ہوئی توسیع، کتنی؟

باغی ٹی وی کی رپورٹ کے مطابق ایل این جی ریفرنس،شاہد خاقان عباسی کے جوڈیشل ریمانڈ میں 4 فروری تک توسیع کر دی گئی،شاہد خاقان عباسی کو عدالت پیش کیا گیا اس موقع پر سیکورٹی کے سخت انتظامات کئے گئے تھے، عدالت نے شاہد خاقان عباسی کے ریمانڈ میں توسیع کر دی.

احتساب عدالت اسلام آباد میں شاہد خاقان عباسی سمیت تمام ملزمان کی حاضری لگا دی گئی،عدالت نے چیئرپرسن اوگراعظمیٰ عادل،سابق چیئرمین سعید احمد خان کو مچلکے جمع کرانے کا حکم دے دیا،ملزمان کو حاضری یقینی بنانے کے لیے ایک کروڑ روپے کے مچلکے جمع کرانے کا حکم دیا گیا،مفرور ملزم شاہد اسلام کے وارنٹ گرفتاری کی رپورٹ طلب کرتے ہوئے عدالت نے سماعت 4 فروری تک ملتوی کر دی.

ایل این جی کیس،شاہد خاقان عباسی کی درخواست ضمانت تیارتا ہم شاہد خاقان نے قانونی ٹیم کو درخواست ضمانت دائر کرنے سے روک دیا،شاہد خاقان عباسی کو قانونی ٹیم نے کہا کہ آپ ضمانت کے حق دار ہیں، عدالت شیخ عمران الحق اور مفتاح اسماعیل کو رہا کرچکی،جس پر سابق وزیراعظم شاہد خاقان عباسی نے کہا کہ ضمانت دائر نہ کریں، بےبنیاد مقدمہ خارج ہونا چاہئے،

واضح رہے کہ حالیہ دنوں میں عدالتیں اپوزیشن رہنماؤں آصف زرداری، فریال تالپور، مفتاح اسماعیل، نواز شریف، مریم نواز، رانا ثناء اللہ کو ضمانت پر رہا کر چکی ہیں، خورشید شاہ کی بھی عدالت نے ضمانت کی تھی تا ہم بعد ازاں ہائیکورٹ نے ضمانت کا حکم نامہ معطل کر دای.

نیب راولپنڈی نے احتساب عدالت اسلام آباد میں ایل این جی کیس کاریفرنس دائر کر دیا،ریفرنس شاہد خاقان عباسی اورمفتاح اسماعیل سمیت 9ملزمان کے خلاف دائر کیا گیا،

ریفرنس میں کہا گیا کہ ایک کمپنی کو 21ارب روپے سے زائد کا فائدہ پہنچایا گیا،فائدہ مارچ 2015سے ستمبر 2019 تک پہنچایا گیا، فائدہ پہنچانے سے 2029 تک قومی خزانے کو 47 ارب روپے کا نقصان ہو گا،معاہدے کے باعث عوام پر گیس بل کی مد میں 68ارب روپے سے زائد کا بوجھ پڑے گا،سابق ایم ڈی شیخ عمران الحق نے معاہدے میں اہم کردار ادا کیا،

حکومت اس مسئلے کو فوری حل کرے ورنہ…..شاہد خاقان عباسی نے کیا کہہ دیا

سابق وزیرخزانہ مفتاح اسماعیل کا نام بھی ملزمان کی فہرست میں شامل ہے،نیب ریفرنس کے مطابق سابق سیکریٹری اورایم ڈی پٹرولیم اہم گواہ بن گئے، شاہدخاقان سمیت 9 ملزمان کے نام ای سی ایل میں شامل ہیں، نیب راولپنڈی قطرمعاہدے کی الگ انکوائری کررہا ہے

واضح رہے کہ شاہد خاقان عباسی کے خلاف دائر ریفرنس کی منظوری چیئرمین نیب جسٹس ر جاوید اقبال نے دی جس کے بعد ریفرنس عدالت میں دائر کر دیا گیا ہے، گزشتہ سماعت پر عدالت نے ریفرنس دائر کرنے کا حکم دیا تھا آج عدالت نے عباسی کے جوڈیشل ریمانڈ میں 14 روز کی توسیع کر دی ہے.