پاکستان کرکٹ ٹیم کے سابق کپتان وسیم اکرم کی اہلیہ سماجی کارکن شنیرا اکرم نے سوشل میڈیا پر تیمور اکرم کی سالگرہ پر خوبصورت پیغام دیا ہے-
باغی ٹی وی : تیمور اکرم وسیم اکرم اور ان کی پہلی اہلیہ ہما مفتی کے ہاں 1996میں پیدا ہوئے تھے وسیم اکرم کی اہلیہ شنیرا اکرم نے سماجی رابطے کی ویب سائٹ انسٹا گرام پر تیمور کی سالگرہ کے دن ایک یاد گار تصویر شئیر کی جس کے کیپشن میں انہوں نے بیرون ملک مقیم تیمور کو خوبصورت پیغام کے ذریعے سالگرہ کی مبارکباد دی –
https://www.instagram.com/p/CEJL_GsDcF8/
شنیرا اکرم نے لکھا کہ اگر ابھی دنیا معمول کے مطابق چل رہی ہوتی تو اس لمحے کو یادگار بنانے کے لیے آپ ہمارے ساتھ یہاں موجود ہوتے۔
انہوں نے نے لکھا کہ میرے بڑے بیٹے، دوست اور ایک مزاحیہ شخصیت کو سالگرہ کی بہت بہت مبارک ہو۔
شنیرا نے لکھا کہ تیمور ہمیں آپ کی بہت یاد آتی ہے لیکن ہم یہ جانتے ہیں ہیں آپ اس وقت محفوظ مقام پر خوش ہیں۔
شنیرا نے اپنی پوسٹ کے آخر میں تیمور سے جلد ملنے کا وعدہ بھی لیا۔
یاد رہے کہ وسیم اکرم نے شنیرا سے قبل ہما مفتی سے 12 اکتوبر 1993 کو پسند کی شادی کی تھی۔دونوں کے 2 بیٹے تیمور اور اکبر ہیں ۔اکتوبر 2009 میں علالت کے باعث لاہورکے اسپتال میں زیرعلاج رہنے کے بعد وسیم اکرم چارٹرڈ طیارے کے ذریعے ڈاکٹر اور نرس کی موجودگی میں ہما کوسنگا پور لیکرجا رہے تھے کہ ان کی حالت تشویشناک ہوجانے پر بھارت لے جایا گیا جہاں چند روز زیرعلاج رہنے کے بعد ہما اکرم 42 سال کی عمر میں انتقال کرگئیں ۔
اس کے بعد وسیم اکرم نے 2013 میں آسٹریلوی نژاد شنیرا اکرم سے شادی کی جن سے ان کی ایک بیٹی عائلہ ہے عائلہ کی پیدائش 2014 میں ہوئی تھی۔
