پاکستان میوزک انڈسٹری کے معروف گلوکار و سماجی کارکن شہزاد رائے کا کہنا ہے کہ وہ زیادتی کیسز میں ملوث ملزمان کی سرعام پھانسی کے خلاف ہیں-
باغی ٹی وی : شہزاد رائے نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ میں نے بچوں کو جنسی استحصال اور جسمانی سزا سے بچانے کے لئے بہت کچھ کیا ہے۔
I hav done a lot to save kids from sexual abuse & corporal punishment. Rapists,child molesters or criminals like them should b punished with ful force of law.I am against giving any punishment publicly. Do you want our young kids to see bodies hanging on chowks,choraha & markets?
— Shehzad Roy (@ShehzadRoy) September 12, 2020
انہوں نے لکھا کہ عصمت دری کرنے والوں ، بچوں سے بدتمیزی کرنے والے یا ان جیسے مجرموں کو قانون کی پوری طاقت سے سزا دی جانی چاہئے۔
شہزاد رائے نے لکھا کہ میں عوامی طور پر کوئی سزا دینے کے خلاف ہوں۔ کیا آپ چاہتے ہیں کہ ہمارے چھوٹے بچے چوکوں ، چوراہوں اور بازاروں میں لٹکی لاشیں دیکھیں؟۔
Who ever is demanding to Hang any criminal publicaly should not forget that there is enough research available that “Violence breeds violence”
— Shehzad Roy (@ShehzadRoy) September 11, 2020
گلوکار نے اپنے ایک اور ٹوئٹ میں لکھا کہ جو لوگ مجرمان کی سرعام پھانسی کا مطالبہ کر رہے ہیں اُن کو یہ نہیں بھولنا چاہیے کہ تشدد ہی تشدد کو جنم دیتا ہے اور اس پر ہمارے پاس بہت سی تحقیقاتی رپورٹس بھی موجود ہیں۔
دوسری جانب وسیم اکرم کی اہلیہ و سماجی کارکن شنیرا اکرم نے اپنے ٹوئٹر پیغام میں لکھا کہ زیادتی کے واقعات میں ملوث ملزمان کو سرعام پھانسی دینا ان سنگین مسائل سے چھٹکارا حاصل کرنے کا راستہ نہیں ہے-
#ViolenceDoesntSolveViolence Public Hanging is not the way forward. If we want a safe civilised society & the worlds respect we can’t live in the dark ages. We need to work harder as a nation, fight harder as a people and demand better protection for our woman and children!
— Shaniera Akram (@iamShaniera) September 12, 2020
شنیرا کا کہنا تھا کہ اگر ہم اپنے ملک میں ایک محفوظ اور مہذب معاشرہ چاہتے ہیں تو ہمیں اس تاریکی دور سے نکلنا ہوگا اور اس کے لیے بحیثیت قوم ایک ہوکر ہمیں مزید محنت کرنے کی ضرورت ہے۔
اُن کا مزید کہنا تھا کہ ایک عوام کی طرح سخت جدوجہد کرنے اور اپنی عورت اور بچوں کے بہتر تحفظ کا مطالبہ کرنے کی ضرورت ہے-
واضح رہے کہ چند روز قبل لاہورموٹروے پر خاتون کے ساتھ پیش آنے والے اجتماعی زیادتی کے خوفناک واقعے اوراس سے قبل کراچی میں 5 سال کی بچی کے ساتھ زیادتی کے بعد اسے جلا کرقتل کرنے سمیت ملک میں دیگر ہونے والے پے در پے واقعات نے عوام کو بوکھلا کر رکھ دیا ہے جہاں لوگ اور معروف شخصیات غم وغصے کا اظہار کر رہی ہیں وہیں شوبز سے تعلق رکھنے والے افراد بھی اس ظلم پر مسلسل آواز اٹھا رہے ہیں اور ملزمان کو کڑی سزا دینے اور سر عام پھانسی دینے کا مطالبہ کر رہے ہیں وہیں کچھ لوگ سرعام پھانسی کی مخالفت بھی کر رہے ہیں-
