شہبازشریف فیملی کے اثاثے منجمد، عدالت نے نیب سے کیا طلب کر لیا؟
باغی ٹی وی کی رپورٹ کے مطابق شہباز شریف فیملی کے اثاثے منجمد کرانے کی درخواست پرسماعت ہوئی،احتساب عدالت لاہورنے نیب سے متعلقہ ریکارڈ کل طلب کرلیا،احتساب عدالت نے نیب تفتیشی افسر سے استفسار کیا کہ آپ نے کون کون سے اثاثے منجمد کیے ؟ جس پر نیب نے کہا کہ ماڈل ٹاوَن کی دونوں رہائش گاہوں سمیت دیگر اثاثے منجمد کیے ہیں،
شہباز شریف خاندان کی جائیدادیں اور دو گاڑیاں منجمند کرنے کا حکم، نیب لاہور کا بڑا فیصلہ
شریف فیملی مشکلات کا شکار،شہباز شریف کے بعد کس کی جائیداد ضبط ہونے جا رہی ہے؟
چیئرمین نیب کی کردار کشی کرنیوالی طیبہ گل عدالت پیش، عدالت نے بڑا حکم دے دیا
چیئرمین نیب جاویداقبال کی زیرصدارت ایگزیکٹو بورڈ کا اجلاس
عدالت نے کہا کہ کیا آپ کے پاس ریکارڈ موجود ہے کہ ان رہائشوں کےنقشے کب منظور ہوئے؟ جس پر نیب حکام نے عدالت کو جواب دیا کہ ہمارے پاس تمام ریکارڈ موجود ہے،عدالت نے کہا کہ آپ کل تمام متعلقہ ریکارڈ لےکرآجائیں پھر دیکھتے ہیں،احتساب عدالت لاہورنے کیس کی سماعت کل تک ملتوی کردی
نیب نے شہبازشریف فیملی کے مزید اثاثے منجمد کردیئے نیب نے شہبازشریف کے اثاثے منجمد کرنے سےمتعلق خط لکھ دیا، شہبازشریف کے 96 ایچ ماڈل ٹاؤن گھرکومنجمد کرنےسے متعلق خط لکھا ہے، نیب نے شہبازشریف کے ایبٹ آبادمیں 9 کنال کے گھرکو بھی منجمد کردیا
نیب نے تہمینہ درانی کے نام بھی جائیدادوں کومنجمد کرنے کے احکامات جاری کر دیئے،نیب کے مطابق شہبازشریف فیملی کے اثاثے ٹی ٹی کے پیسوں سے بنانے کا الزام ہے.
نیب نے شہبازشریف، حمزہ شہباز اور سلمان شہباز کی ماڈل ٹاون، ڈونگا گلی اور ہری پور میں جائیدادیں منجمند کرنے کا حکم دیا. منجمد کیے جانے والے اثاثوں میں لاہور کی 96 ایچ اور 86 ایچ ماڈل ٹاؤن کی پراپرٹی سمیت ایبٹ آباد ڈانگہ گلی میں 9 کنال کا پلاٹ اور ہرہ پور میں 2 پراپرٹیاں شامل ہیں۔ اس کے علاوہ جوہر ٹاؤن میں تیرہ پراپرٹیاں، چنیوٹ میں 2 پراپرٹیاں اور ڈیفنس فیز 5 لاہور میں پلاٹ بھی شامل ہیں۔
واضح رہے کہ سابق وزیراعلیٰ پنجاب شہباز شریف، پنجاب اسمبلی میں قائد حزب اختلاف حمزہ شہباز اور دیگر فیملی ارکان کے خلاف نیب میں مختلف کیس اور تحقیقات کی جارہی ہیں تاہم اس کے علاوہ بھی شہباز شریف فیملی پر سرکاری فنڈز میں سے خُردبرد کے الزامات عائد کیے گئے ہیں۔ حمزہ شہباز اِن دنوں جوڈیشل ریمانڈ پر کوٹ لکھپت جیل میں قید ہیں جبکہ شہباز شریف بھی ضمانت پر ہیں اور اسوقت اپنے بڑے بھائی نواز شریف کے ہمراہ لندن میں ہیں ،نواز شریف علاج کی غرض سے لندن گئے ہیں.
