شہری سے موبائل فون چھین چور کو مہنگا پڑ گیا

شہری سے موبائل فون چھین کر فرا ر ہونے والا ملزم گرفتار، مقدمہ درج

لاہور ۔ 2 اگست(اے پی پی )پٹرولنگ آفیسر اختر اور شاہد نے شہری سے موبائل فون چھین کر فرار ہونے والے ملزم کو پکڑ لیا،ملزم کےخلاف تھانہ کوٹ لکھپت میں مقدمہ درج کر لیا گیا ،تفصیلات کے مطابق کوٹ لکھپت کے ایریا میں ملزم نے شہری کا موبائل فون چھین کر فرار ہونے کی کوشش کی،شہری کے شور مچانے پر وارڈنز نے تعاقب کرکے ملزم کو پکڑ لیا، ملزم رکشوں ،گاڑیوں ویگنوں میں بیٹھے شہریوں سے فون چھین کر فرار ہو جاتا تھا، ملزم کو مزید تفتیش کےلئے ڈولفن پولیس کے حوالے کر دیا گیا، سینئر ٹریفک افسران کی طرف سے وارڈنز کےلئے تعریفی اسناد اور نقدانعام کا اعلان، اس حوالے سے سی ٹی او لاہورکیپٹن(ر)لیاقت علی ملک کا کہناتھاکہ وارڈنز ٹریفک کی روانی کو یقینی بنانے کے ساتھ ساتھ شہریوں کے جان و مال کے تحفظ کو بھی یقینی بنائے ہوئے ہیں ۔