شہباز شریف کی جیل میں طبیعت بگڑ گئی ،ہسپتال منتقل کر دیا گیا

باغی ٹی وی کی رپورٹ کے مطاب قاپوزیشن لیڈر شہباز شریف کی صحت خراب ہو گئی ہے

اپوزیشن لیڈر شہباز شریف کو جنرل اسپتال لاہورپہنچا دیا گیا ہے،ہسپتال انتظامیہ کے مطابق شہبازشریف کاایم آر آئی اور سٹی اسکین کرایا جارہا ہے، اس موقع پر سیکورٹی کے سخت انتظامات کئے گئے ہیں

گزشتہ روز مسلم لیگ ن کی ترجمان مریم اورنگزیب نے کہا تھا کہ قومی اسمبلی میں قائد حزب اختلاف شہباز شریف کی کمر میں تکلیف بڑھ گئی ہے انہیں ہسپتال تک رسائی دی جائے

مسلم لیگ ن کی ترجمان مریم اورنگزیب کا کہنا تھا کہ کہ جیل میں شہبازشریف کی کمر کی تکلیف زیادہ ہونے کا ذمہ دار ووٹ چور عمران خان ہے عمران صاحب جو شخص اپنے سیاسی مخالفین کی صحت پر سیاست کرے وہ قابلِ ترس ہے عمران صاحب جو سیاسی مخالف کی صحت پر سیاست کرے اُس سے زیادہ گھٹیا اور چھوٹا شخص کوئی نہیں ہو سکتا عمران صاحب عوام کی دوائیاں مہنگی کر کے دُکھی نہیں بلکہ شہباز شریف کی صحت کو نقصان پہنچا کر خوش ہو رہے ہیں عمران صاحب جان بوجھ کر شہبازشریف کی صحت کو نقصان پہنچا رہے ہیں

واضح رہے کہ شہباز شریف کو نیب نے ضمانت کی درخواست مسترد ہونے پر گرفتار کیا تھا، عدالت نے انہیں جوڈیشل ریمانڈ پر بھیج دیا تھا ، شہباز شریف کو عدالت میں بکتر بند گاڑی میں پیش کیا جاتا ہے جس پر ن لیگ نے احتجاج کیا تھا،

گزشتہ سماعت پر ن لیگی وکیل نے عدالت سے استدعا کی کہ بکتر بند گاڑی میں حمزہ شہباز اور شہباز شریف کو پیش نہ کرنے سے متعلق حکم دیا جائے،شہباز شریف کا کہنا تھا کہ میں کمر کی تکیلف مین مبتلا ہوں بکتر بند گاڑی میں لیٹ کر آیا،اس گاڑی میں چوٹھا سا کھڈا بھی بہت بڑا محسوس ہوتا ہے، میں عدالت مین کوئی سیاسی بات نہین کرنا چاہتا، میں جیل مین بھی لیٹا رہتا ہوں گاڑی میں بھی لیٹ کرآتا ہون،

عدالت میں شہباز شریف سے صحافی نے سوال کیا کہ آپ کو بکتر بند گاڑی میں لایا گیا ہے کیا کہیں گے؟ اس پر شہباز شریف نے کہا کہ بہت بری بات ہے لیکن کوئی بات نہیں۔