شہبا زشریف کی جانب سے اپوزیشن جماعتوں کو عشائیہ ، پیپلز پارٹی بھی شریک ہو گی؟

پاکستان مسلم لیگ (ن) کے صدر شہباز شریف کی جانب سے اپوزیشن جماعتوں کو عشائیہ دیا جا رہا ہے۔

باغی ٹی وی : قومی اسمبلی میں قائد حزب اختلاف میاں شہباز شریف کی جانب سے پارلیمانی جماعتوں کو عشائیہ دیا جا رہا ہے اسی ضمن میں سابق وزیراعلیٰ پنجاب میاں شہباز شریف کی جانب سے پاکستان پیپلزپارٹی کو بھی دعوت نامہ بھیجا گیا تھا۔

ذرائع کے مطابق پاکستان پیپلز پارٹی نے ملنے والی عشائیے کی دعوت قبول کر لی اور اس سلسلے میں باقاعدہ پارٹی کا وفد بھی تشکیل دے دیا ہے بلاول بھٹو دبئی میں ہونے کی وجہ سے عشائیہ میں شریک نہیں ہوں گے۔

پیپلز پارٹی کا وفد اپوزیشن لیڈر شہباز شریف کے عشائیے میں شریک ہوگا وفد میں یوسف رضا گیلانی، راجہ پرویز اشرف اور شیری رحمان شرکت کریں گے۔

پیپلز پارٹی کے رہنما نیئر بخاری کہتے ہیں یہ اپوزیشن لیڈر کی دعوت ہے پی ڈی ایم کی نہیں، پی ڈی ایم کی بنیاد ہی پیپلز پارٹی کی اے پی سی میں رکھی گئی تھی، پی ڈی ایم کا صدر ہو یا سیکریٹری جنرل کسی کو اختیار نہیں کہ وہ پیپلز پارٹی کو نکالے۔

انہوں نے کہا کہ شوکاز نوٹس کی بجائے بیٹھ کر بات کرنے سے معاملہ حل ہوسکتا تھا۔