لاہور:مولانافضل الرحمن کی آواز میں آواز ملاتے ہوئے شہباز شریف نے بھی تبلیغی جماعت سے پولیس کے رویے کی مذمت کردی،اطلاعات کے مطابق (ن) لیگ کے صدر اور قائد حزب اختلاف شہبازشریف کا تبلیغی جماعت کے افراد کے ساتھ بدسلوکی کی مذمت کرتے ہوئے اسے بہت غلط رویہ قرار دیا ہے
شہباز شریف نے کہا ہے کہ دین کی خدمت کرنے والے افراد کے ساتھ مجرموں جیسا سلوک ناقابل قبول ہے، معذرت کی جائے ،انہوں نے کہا ہےکہ تبلیغی جماعت پر تشدد اور گرفتاریوں کا سلسلہ قابل مذمت اور افسوسناک ہے
شہبازشریف کا کہنا ہےکہ حکومت کا فرض تھا کہ ان کی ٹیسٹنگ اور سکریننگ کو یقینی بناتی،نتظامیہ اور جماعت کے رہنماوں میں بہتر اشتراک عمل پیدا کیاجائے ،تبلیغی جماعت کے متعلقہ افراد سے ہمدردی اور واقعہ پر افسوس کرتے ہیں
شہبازشریف نے کہا ہے کہ گرفتار افراد کو فی الفور رہا کیاجائے اور متاثرہ افراد کو کورنٹین کرنے کا موثر انتظام کیاجائے،انہوں نے کہا کہ تبلیغی جماعت کے اکابرین اور دین کی خدمت کی سعادت حاصل کرنے والے بھائیوں سے درخواست ہے کہ مہلک وبا کی صورتحال میں اپنا اور دوسروں کا خاص خیال رکھیں
