شہباز شریف کی جانب سے عشائیہ، اپوزیشن قیادت کی آمد کا سلسلہ جاری

پاکستان مسلم لیگ (ن) کے صدر و قومی اسمبلی میں قائد حزب اختلاف شہباز شریف کی جانب سے اپوزیشن کی اعلیٰ قیادت کے اعزاز میں عشائیہ دیا جا رہا ہے۔

باغی ٹی وی : پیپلز پارٹی کا وفد اپوزیشن لیڈر شہبازشریف کے عشائیہ میں پہنچ گیا جس میں آصف زرداری، بلاول بھٹو ، یوسف گیلانی، شیری رحمان اور دیگرشامل ہیں۔

سربراہ پی ڈی ایم مولانافضل الرحمان بھی عشائیے میں پہنچ گئے ہیں جبکہ مولانا عبدالغفور حیدری، اکرم درانی و دیگر بھی ان کے ہمراہ ہیں۔

شہباز شریف نے مہمانوں کا خود استقبال کیا-

مسلم لیگ ن رہنماؤں میں شاہد خاقان، مریم اورنگزیب، ایاز صادق، رانا ثنا اللہ اوررانا تنویر بھی عشائیہ میں موجود ہیں خواجہ آصف، خواجہ سعد رفیق، احسن اقبال، احمد ملک شریک ہیں اس کے علاوہ بھی اپوزیشن قیادت کی جانب سے عشائیے میں آمد کا سلسلہ جاری ہے۔

ذرائع کے مطابق عشائیے میں تحریک عدم اعتماد پر اپوزیشن کی حکمت عملی اور دیگر امور پر تبادلہ خیال کیا جائے گا۔