![moulana fazal shehbaz](https://baaghitv.com/wp-content/uploads/2024/02/shehbaz-moulana-jpeg.webp)
Maulana Fazlur Rehman, right, head of Pakistani religious parties alliance talks to Shahbaz Sharif, leader of Pakistan Muslim League and brother of ousted prime minister Nawaz Sharif during the All Parties Conference (APC) in Islamabad, Pakistan, Friday, July 27, 2018. Rehman told that APC has rejected the results of the July 25 general elections. With Pakistani election officials declaring the party of Imran Khan to be the winner of parliamentary balloting, the former cricket star turned Friday to forming a coalition government, since the party did not get an outright majority.(AP Photo/B.K. Bangash)
لاہور: سابق وزیراعظم شہباز شریف نے حکومت سازی کے لیے جمعیت علمائے اسلام کے سربراہ مولانا فضل الرحمان سے رابطہ کیا ہے-
باغی ٹی وی: تفصیلات کے مطابق پاکستان مسلم لیگ (ن) کے صدر اور سابق وزیراعظم شہباز شریف نے حکومت سازی کے لیے جمعیت علمائے اسلام کے سربراہ مولانا فضل الرحمان سے 24 گھنٹوں کے دوران دوسرا رابطہ کیا، شہباز شریف نے مولانا فضل الرحمان کو وفاق میں حکومت سازی کی کوششوں پر اعتماد میں لیا جبکہ مولانا فضل الرحمان نے اپنی جماعت سے مشاورت کے لیے وقت مانگ لیا ہے۔
پارٹی ذرائع کے مطابق مولانا فضل الرحمان نے الیکشن نتائج پر اپنے تحفظات سے شہباز شریف کو آگاہ کیا اور بتایا کہ جماعت کی مرکزی مجلس عاملہ اور صوبائی امرا و ناظمین کا اہم اجلاس طلب کر رکھا ہے پارٹی کا اجلاس 14 فروری کو اسلام آباد میں ہوگا، جہاں انتخابی نتائج سمیت وفاق اور صوبوں میں مشترکہ حکومت سازی اور آئندہ کی مجموعی سیاسی صورت حال پر غور وخوض ہو گا۔
ایک دن آئےگا کہ پورا سندھ ایم کیو ایم کے جھنڈے تلے آئےگا،مصطفیٰ کمال
واضح رہے کہ سیاسی جماعتیں حکومت سازی کیلئے متحرک ہیں، مسلم لیگ (ن) اور پاکستان پیپلزپارٹی کی قیادت کے درمیان بھی حکومت سازی کے حوالے سے ملاقاتیں ہوئی ہیں اور متحدہ قومی موومنٹ (ایم کیو ایم) پاکستان کا وفد بھی لاہور میں نواز شریف اور شہباز شریف سے ملاقات کرچکا ہے۔